فلسفة حمار
فلسفة حمار
عجبي عليك يابن ادم يا كبير الدار
قومت الدنيا وما قعدت لما قالوا حمار هو اسمي شتيمة ولا جنسي ده عار
خلقنى ربي وخلقك ولا حدش له خيار
وانا مهما زاد الحمل فوقى صابر على المشوار
لا فى يوم اقول اشمعنى اخويا واخد منه تار ولا يوم ابص لرزق غيري واطق منه واغار ولا ارفع فى يوم عينى على جارتى واصون الجار
ولا مهر ادفع لحمارتى وشبكة وسوار ولا شقة اجمع فى تمنها ولا اجهز دار ولا حرمى حامل تتوحم عايزة الكافيار ولا بنت تخرج عن طوعى وتجيب العار ولا ابن يقع ويهلوس ويقع نهار
عايش فى حالى متهنى وليه افكار؟
باكل وبشرب وبنهق ومفيش اسرار
وعندى ابن ادم يخدمنى ليل ونهار
ان جعت يشتري برسيمي باغلى الاسعار
وفى مرضي يفضل يعالجنى ويدعى الستار
خادم امين من غير راتب ولا حتى ايجار والحين عرفت يابن ادم مين فينا حمار؟؟؟؟
