تخيل كده وانت مخلص امتحانات ورايق وفايق
ونايم بعد الفجر بقى ومريش نفسك
ومعمر الطاسه وكله اليستا
وجيت تنام
فجأه بعد ساعه من نومك
جه السيد الوالد الفاضل (ايون واخد بالك انت من الفاضل دى يعنى كله مات ومش فاضل الا هو)
وبيصحيييك
- اصحى يابنى .. انت يازفت
تروح انت قايل فى سرك
يانفوخيييييي هو الراجل ده مستقصدنى بقى ولا ايه
- ايوه يا بابا نعم ؟
- قوم عشان تجيب النتيجه
- نتيجه؟ ليه هو احنا فى راس السنه؟
- راس السنه ايه يابنى قوم قووووووم قامت عليك قومه
تروح قايل فى سرك
كمان قامت عليا قومه ده انت بتحبنى اوي
- طيب قايم أهو قااايم
هو اليوم بيبان من اوله اما اقوم اكلم اى حد من صحابى يجي معايا
- الو .. انت ياحيوان .. تعالى معايا نجيب النتيجه
- يانفوخييي ياعم قول صباح الخير ... صباح اللى بتغنى ... صباح الدين الايوبى
- طب يلا ياظريف عشان منتأخرش
- ماما .. ماماااا .. ياحاااجه .. ياعُمره .. يادى النيله عليا مبتردش ليه دى
- هاا عايز ايه يابنى
- عاتى فلوز
- مين ياخويا ؟ إيه عاتى فلوز دى كمان
- يعنى شخللي جيوبك ونفضيها عليا
- ايه الكلام اللى محتاج كتالوج ده .. فين المترجم بتاعك يابنى
- يوووه ياماما هاتى فلوس ياماما
- طب متقول كده .. منصور يابنى انشاء الله
- هو انا رايح اجاهد ياحاجه ده ايه الناس الغريبه دى
وبعد ماانت نزلت بقى ورايح تجيب النتيجه ومعاك صاحبك
وفجأه شايف كله طالع يبص لدرجاته ويعيييييييط يعيييييط
راح صاحبك قال:
- أهو هو ده بقى الفأل الحسن
- فأل حسن .. طب مفيش فأل حسين .. إمشى ياعم شكلنا ضايعين
- طب مندور علينا
جاب النتيجه وطلعت مليااانه كحك وساقط وحالتك بالبلاوي
ومروح البيت بقى وعامل نفسك عم سيلفستر استنونى انا جى اهو
ومامتك تقولك
- ها ياحبيبى عملت ايه فى النتيجه
- ماما عازمك على أكلة كحك جامده مووت
- لأ... بجد؟ يبقى نجحت ألف مبروك ياحبيبى
تروح قايل فى سرك
الوليه أمى دى ست طيبه موووووووز
تروح قيلالك
- ورينى كده النتيجه
- طيب شوفيها أهو
- يالهوييييييي ياخراااشى تعالى شوف ابنك تعاااالى
ابنك فاااااااشل
- يوووه ياماما بتضايق من الكلمه دى
- بتضايق منها ؟؟ يافاشل يافاشل يافاشل
ابوك جالك بقى
- يانهار ابوك اسود .. ايه الدرجات دى يالا
- ايه يا بابا اكيد فى غلط فيها ولا حاجه
- فيها ايه يا عنيا ؟؟
- فيها فيل .. يووه أصدى فيها غلط .. بس متقولش لحد
- متقولش لحد ؟ .. طب تعلالى ياعم هيفاء وهبى
زوووو زووو وضرب من هنا ومن هنا ومن هنا
