هي فين.......................هي مين ؟

قالولي وأنا صغير ......... دي مصر أمي وأم كل البنيآدمين

قلت ماشي.....حبيبتي أمــــــي ....حبيبتي مصــــــــــر

وأعدت أفكر ..... أعدت اقارن ...... مش عارف أفهم

هي الأم اللي تسهر ليالي على رحتي...تخاف وتبكي لما تشفني في مشكلة....في ضيقة.....في ورطة
ولا الأم اللي تقسى وتظلم وتفرق بين وِلدها.....تدي واحد كل حاجة وترمي اخوه....وممكن تنفيه في مالطة

مبقتش فاهم حاجة....لأني مملكش حاجة
لا حضن يضم....ولا ايد حنينة تمسح من فوق جبيني الهم

ولما كبرت وفهمت....لقيت كتير

في أم في عز البرد تلاقيها تاخد من هدومها لأجل ما تغطي عيالها
وفي غز الحر سهرانة تهز بريش نعام تهوي على ولدّها

وأم تسيب عيالها وتمشي
وأم ترمي إبنها قدام جامع وتجري
وأم تجرح وأم تقتل ضناها قبل ما تسميه وتبكي

بس هي نهاية واحدة
في أم طيبة وحنونة ذي أمي
وأم قاسية على ولدها ذي برده أمي

الحكاية في كلمتين
مصر بلدي......مصر أمي......بس راحت فين
ويوم ما تحب تروح لأمك........ابقى اسئل الأول

هي فين.......................هي مين ؟