فى قايمه اصدقائى

فى قايمه اصدقائى صحاب فعلا صحاب وصحاب كدا وكدا
وصحاب اصحاب صحابى واصحاب زى العدد
وصحاب تشرح وتفرح ورجوله وجدعنه
وعيال واكله الاونطه واخر نفسنه
ازاى دول اصدقائى من اكتر من سنه
فى قايمه اصدقائى صحاب فعلا تمام
من جوا زى برا يستاهلو الاهتمام
وعيال اصلا وجودهم مش اكتر من زحام
ولا حتى يعرفونى ولا اعرفهم انا
ازاى دول اصدقائى من اكتر من سنه
فى قايمه اصدقائى عيال مؤدبه وعيال واخدين غرز
وبنات محجبه وبنات عاملين موزز
وبنات زى القرود وبنات كالمعجزات
وبنات زى الورود والسكر النبات
وبنات مقدرش اقول فى الشكل وف العقول
وبنات لو مؤاخذه خالص لا خالص يعنى خالص
مش عاوز افتكرهم ربك اهو ساترهم مش هافضحهم انا
ازاى دول اصدقائى من اكتر من سنه
فى قايمه اصدقائى نجوم واخدين فى راسهم
ونجوم متهمشه وعيال موهوبه جدا ف الفن مدروشه
وعيال موهومه جدا خرافيش مخرفشه
لما شيطانهم قرصهم لعبلهم ف راسهم
بفكره مدهشه يعملو قال جروب كنوع من الهروب
من احساس الفشل وتشوف اجدع ما فيهم
على راى المثل كراتين ممششه اه وحياه ربنا
ازاى دول اصدقائى من اكتر من سنه
فى قايمه اصدقائى شباب لابسين بدل وشباب متكجوله
وشباب فالقين اوى وعيال متكحوله
وشباب ضايع شبابهم ف غابه اساله
وشباب من بكره خايف وشباب فاهم وشايف احزانو مطوله
وشباب واقع وشايف وعيال عاملين مشايخ وعيال مستهبله
وشباب مليانه طاقه عايشين من غير بطاقه ولا شغله ومشغله
وعيال مخنوقه جدا فى مالطه اهو بتدن وغاوين بهدله
وعيال اخر تفاؤل لا بيشغلهم تساؤل ولا هم يهمنا
وضحكتهم عبيطه رغم ظروفنا المحيطه واحزانه الغويطه
وجراحنا المزمنه نوابغ ف التناحه والنصب والبجاحه واساتذه وطينه
من الاخر احلى بذره هاتطرح بكره وزرا كفاءات مترنه
ازاى دول اصدقائى من اكتر من سنه
فى قايمه اصدقائى فيهم الى باقى ويضمن الى تلاقى
ويفتح نفسنا ومهما تكون ارائى خليكم اصدقائى عقبال تلاتين سنه

جاااااااااااااااااااااااااااااااااامدة جدا

شكرا لمرورك يا ساندى
نورتى

فى قايمه اصدقائى عيال مؤدبه وعيال واخدين غرز
وبنات محجبه وبنات عاملين موزز
وبنات زى القرود وبنات كالمعجزات
وبنات زى الورود والسكر النبات
وبنات مقدرش اقول فى الشكل وف العقول
وبنات لو مؤاخذه خالص لا خالص يعنى خالص
مش عاوز افتكرهم ربك اهو ساترهم مش هافضحهم انا

هههههههههههههههههههههههههههههههههههههه لا ياشيخ بالزمة لتفضح ههههههههههههه
كلام زى العسل

لا لا لا سيبيهم ربنا يستر عليهم
ههههههههههههههههههههههههههه
شكرا لمرورك كوكى

بيس يامان

كلام جامد يا مؤمن

كلام اكتر من جميل بجد

جزيت الجنه وربنا يكتر اصدقائك

ويسهل لكو الصعب

شكرا لمروركم يا صاحب ومحمد وفارسه
نورتو التوبيك