هو انا مدب ومش بحس؟؟؟؟؟!!!!!!

قاعد ف القهوة مع صحبه بيحكيله

هو :: انا مش مدب انا مدب انا

صاحبه ::اهدا بس كده واحكيلي

هو ::كل ما اقولها حاجة.. تقولي انا مَدبّ..
حمارة مبتفهمش في المشاعر

صاحبه ::احكيلي ايه الي حصل

هو ::

قاعدين في الكافيه

قاعدين على ترابيزة مدورة وهي قدامي

قولتلها أديني جايبك حتت نضيفة عمرك ماروحتيهاش قبل كده
طلبنا برتقان..
وبكلمها يا عم وعمّال اقولها الكلام الكبير بتاع المشاعر

عمال المّح لها و اقولها انا بتصل بيكي كتير وبكلمك كتير.. و بسأل عليكي
لكن مش معنى كده اني مهتم بيكي

انا بعمل كده مع الناس كلها.. علشان انا مهتم بالانسان مش بيكي انتي بس
علشان تفهم اني اجتماعي

و هي آخر غباء

اقولها انها تخنت والمفروض تقلل من البيبسي وتبطل أكل شوية بالطفاسة اللي
هي فيها دي علشان تفهم اني مهتم بيها وبرشاقتها و خايف عليها من كتر الاكل

و هي مش فاهمه

أقولها حاولي تلبسي لنسيز علشان النظارة دي مبيناكي عجوزة ومش حلوة على وشك وخصوصا انك مش حلو قوي
علشان تفهم اني باخد بالي من التفاصيل

ودي اللي طالع عليها التخلّف

اقولها ان بعض تصرفاتها مش عجباني و انها بترغي كتير في الموبايل

تقولي: ما انا بكلمك انتا كتير

هو ::

اقولها ماهو ده قصدي.. انتي بترغي وبتكلفيني كتير في الفاتورة
علشان تفهم اني مدبر واقتصادي
و هي آخر جهل
لما جه الشيك علشان ندفع
كانت حاتدفع فأخدت منها الشيك وقولتلها انا اللي حادفع
وضحكتْ وقلتلها مافيهاش حاجة لما أدفع ده كمان.. ما احنا المرتين الي خرجنا فيهم انا اللي صرفت عليكي
علشان تفهم اني جدع معاها

و هي نازل عليها بغباء

هى ::

قعدت تحكي في القراءة والثقافة
وتقولى على الكاتب اللي بتقراله دلوقتي ومدى حبها ليه وبكتاباته

هو ::
قولتلها انه حمار واللي بيقروله بهايم
علشان تفهم اني مثقف وداري بما يدور في الساحة الثقافية
ومطلع على جميع الكتاب و الاصدارات
ولا حياة لمن تنادي

وبعدين ::

دفعنا الشيك و خرجنا
سيبتها عند الباب

هي ::
مش حتوصلني

هو ::

قلتلها لأ طبعا
سيبتها في الشارع و ركبت العربية ومشيت
علشان تفهم اني مش مدلوق عليها

وبعدين ::

قلت أكلمها بالليل و انهي الموضوع و اقولها إني معجب بيها والكلام الكبير ده بتاع الارتباط والحب والجواز
و انها هي الكسبانة والموضوع حيقع عليّ بخسارة
كلّمتها وقلتلها الكلمتين

هى ::

انت ظريف وطيب بس انا عايزة واحد رومانسي

هو ::

ضحكتْ و قلتلها انتي حمارة بقى.. ههههه.. كل ده ومش رومانسي
انتي لازم تعملي اختبار ذكاء.... غباء غريب
دا انا وديتك اماكن ماروحتيهاش وصرفت عليكي
و كلمتلك عن وشك وجسمك يا تخينة..
دا احنا مثقفين زي بعض

و قعدت أقول:
الو الو الو.. ومحدش رد
قفلت واتصلت بيها ومحدش رد
وفي الاخر البني آدمة تبعتلي مسج تقولي
انت مدب.. مدب.. ومبتحسش.. انت مدب.. مبتفهمش
شفت اخرتها
انا مدب
بنت غبية.. مبتفهمش.. مبتفكرش

في غباء كده.. قولي
في حد كده ؟..........

-صاحبي مبيردش و شكله قطع النفس
مش عارف ماله ده كمان

هههههههههههههههههههه

ثانكس

ههههههههههههههههههههههههههههههه
صاحبه جاله شلل رباعي
وانا جالي منه شلل خماسي
ويقولع البونيه مدب
وهوه ابن كلب اصلا

ههههههههههههههههههههههههههههههههههه

Mahmoud كتب:

ههههههههههههههههههههههههههههههه
صاحبه جاله شلل رباعي
وانا جالي منه شلل خماسي
ويقولع البونيه مدب
وهوه ابن كلب اصلا

هههههههههههههههههههههههههههههههههههههههههههههههه
ثاااااااااااااااااااانكس ع المرور
نوررررررررررررررررررررررت

هههههههههههههههههههههههههههه
حلوة اوى

tena كتب:: ههههههههههههههههههههههههههههههههههه

هههههههههههههههههههههههههههه ثانكس

MIMI MAI كتب:

هههههههههههههههههههههههههههه
حلوة اوى

انتي احلي
ثانكس نورتي