نفسى ارجع تانى صغير

نفسى ارجع تانى صغــــــــــــير.....زى ما كنت فمرة زمــــــــــــــان
ضحكى ولعبى شقاوتى وفرحى.....يملوا الدنيا فكل مكــــــــــــــــان
اجــــــــرى اتنطط اغنى اشخبط.....عالحيطة بكل الالــــــــــــــــوان
اريح عقلى من التفكـــــــــــــــير.....واطرقع واعيشها جنــــــــــــان
راحة البال وسعادتى يكـــــــونوا.....فـحياتى اكبر عنــــــــــــــــــوان
وعمرى فمرة مافكر اكـــــــــــبر.....زى ما مرة حلمت زمـــــــــــــان
خدت انا ايه بعد اما كـــــــــــبرت.....غير انى اعيش دايما تعبـــــــان
شايل هم الدنيا فقلـــــــــــــــبى.....وفى مشاكلى على طول غرقـــــان
من شغل طلعانه فيه عينـــــــى.....وتملى انا فيه شقيـــــــــــــــــــان
وفشارع مهدور فيه حقــــــــــى.....وفكل مكان فيه متهـــــــــــــــــان
نفسى ارجع تانى صغـــــــــــــير.....زى ما كنت فمرة زمـــــــــــــــان
اروح مدرستى, تضيع كراستـــى.....وازوغ من حصصى كمــــــــــــان
يضرب جرس الفسحة اقــــــــوم.....وعالحوش انزل طــــــــــــــــيران
اكون مرعوب لو ادخل حصـــــــه.....واجبها ماكانش فيوم خلصــــــان
يوم الجمعة يكون يوم عـــــــيدى.....مفيش مدرسة لو مهما ً كــــــــان
وانزل ويا ابويا واصلــــــــــــــــى.....وبجلبيتى البيضة فرحـــــــــــــان
طول ماهو جنبى وطول مناجنبه.....دايما ً كده حاسس بأمــــــــــــــان
بيه استقوى ومنه اتعلـــــــــــــم.....لو مره اكون فيها غلطـــــــــــــان
ولو يعاقبنى اجرى لأمــــــــــــى.....وفحضنها الاقى حنــــــــــــــــــان
تراضينى وتدينى عيونهـــــــــــــا.....لو حست يوم ان انا زعــــــــــلان
نفسى ارجع تانى صغـــــــــــــير.....زى ما كنت فمرة زمـــــــــــــــان
احلم اكون دكتور او ظابــــــــــط.....او امثل واكون فنـــــــــــــــــــــان
ارجع اعيش بين ناس زمانهـــــم......كان بالطيبة والخير مليــــــــــان
ناس جمعاهم الكلمة الحلــــــوة.....ومفيش بينهم غير احســـــــــــان
نفسى ارجع واحب جارتنــــــــا......وافضل طول الليل سهــــــــــــان
مستنى فشباكى اشوفهــــــــــا......مهما اسهر واكون بــــــــــــردان
نفسى اكش اصغر من تانــــــى.....نفسى احس ان انا انســـــــــــان

ياعينى ع الكلام ياريت والله نرجع صغيرين من تانى
نايس كوكى

ياريت بقى نورت يامؤمن

ياريييييييييييييييييييييييييييييييييييييييييييييييييت

اةةةةةةةةةةةةةة يارييييييييييييييييييييييييييييييييييييييت ياساندى نورتى

اقتباس :: اريح عقلى من التفكـــــــــــــــير.....واطرقع واعيشها جنــــــــــــان
راحة البال وسعادتى يكـــــــونوا.....فـحياتى اكبر عنــــــــــــــــــوان
وعمرى فمرة مافكر اكـــــــــــبر.....زى ما مرة حلمت زمـــــــــــــان
خدت انا ايه بعد اما كـــــــــــبرت.....غير انى اعيش دايما تعبـــــــان
شايل هم الدنيا فقلـــــــــــــــبى.....وفى مشاكلى على طول غرقـــــان

رااااااااااااااااااااائع

اقتباس :: ارجع اعيش بين ناس زمانهـــــم......كان بالطيبة والخير مليــــــــــان
ناس جمعاهم الكلمة الحلــــــوة.....ومفيش بينهم غير احســـــــــــان

جمييييييييييييييييييييل

بجد ياااااااريت دى احلى ايام.......

تسلمى كوكى

مشكووووووره

هناك منتديات محترمه تستحق الانتماء لها واخرى لا اتشرف بمجرد ظهورها على شاشتى
فى احد المنتديات قمت بنشر ابيات شعريه وقام مشرف فى منتدى اخر بنشر موضوعى دون الاشارة الى نقله مما تسبب فى اتهامى بسرقة النص ولكن عندما خاطبت المراقبين فى المنتدى الذى اقتبس عنى قاموا بوضع كلمه منقول حفظا لجهدى وهو ماجعلنى حينها انتسب فى هذا المنتدى وانشر فيه جديد اعمالى
اما هنا فعندما شكوت لم يتم الرد بينما على الجانب الاخر حذفت مشاركتى !!!!!!!!!!!!!!!!
لذا لن اقول للأخ او الأخت koke سوى حسبى الله ونعم الوكيل ولا اريد شيئا سوى يوم الحساب عندما يرد الله الحق لصاحبه
"ماكثيره يسكر فقليله حرام"
وانت سرقتى حتى ولو كان اللى سرقتيه شوية كلام ربنا هينتقملى منك بإذن الله عشان بسبب تصرفك اتهمت بأنى الله "حسبى الله ونعم الوكيل"
ابقوا احذفوها دى كمان لأنه هنا اكيد مش من حقى اقول رأى

sss_e_sss كتب:: هناك منتديات محترمه تستحق الانتماء لها واخرى لا اتشرف بمجرد ظهورها على شاشتى
فى احد المنتديات قمت بنشر ابيات شعريه وقام مشرف فى منتدى اخر بنشر موضوعى دون الاشارة الى نقله مما تسبب فى اتهامى بسرقة النص ولكن عندما خاطبت المراقبين فى المنتدى الذى اقتبس عنى قاموا بوضع كلمه منقول حفظا لجهدى وهو ماجعلنى حينها انتسب فى هذا المنتدى وانشر فيه جديد اعمالى
اما هنا فعندما شكوت لم يتم الرد بينما على الجانب الاخر حذفت مشاركتى !!!!!!!!!!!!!!!!
لذا لن اقول للأخ او الأخت koke سوى حسبى الله ونعم الوكيل ولا اريد شيئا سوى يوم الحساب عندما يرد الله الحق لصاحبه
"ماكثيره يسكر فقليله حرام"
وانت سرقتى حتى ولو كان اللى سرقتيه شوية كلام ربنا هينتقملى منك بإذن الله عشان بسبب تصرفك اتهمت بأنى الله "حسبى الله ونعم الوكيل"
ابقوا احذفوها دى كمان لأنه هنا اكيد مش من حقى اقول رأى

يابنى اهدا بس ع نفسك وربنا هيحاسبك ع الحسابان اللى بتقولهولى دة انا لقيتة ف منتدى ومش كان مكتوب علينة منقول وربنا يسامحك يامحترم يامتربى ونشوف ربنا هينتقم من مين ويمكن لو فية شوية من الاحمر عندك ابعتلى مسج وانا وربنا تانى لو عايز كنت كتبت اسمك علية لكن متخيل انى ربنا ينتقم منى بهبلك دة وانت شغال تتهمنى وتدعى عليا بس انا احسن منك ومش هدعى عليك هقولك بس ربنا يسامحك ولو انت متابع كويس انا ف توبيكات كتيرة بكتب عليها منقول ممكن اكون نسيت هنا

وهقولك جملة اخيرة

ان طلع العيب من اهل العيب فهو مش عيب