منتدي طلاب جامعة جنوب الوادي الجديد
مرحبا بك في منتدي جامعة جنوب الوادي بشكله الجديد
اتمني أن تجد عندنا ما يسرك

منتدي طلاب جامعة جنوب الوادي الجديد

هنا هنتجمع من تاني
 
الرئيسيةاليوميةس .و .جبحـثالتسجيلدخول

شاطر | 
 

 موكوس على متعوس

اذهب الى الأسفل 
كاتب الموضوعرسالة
Angel Crying
مبدع بكل المعاني
مبدع بكل المعاني
avatar

انثى
تاريخ الميلاد : 24/02/1991
العمر : 27
عدد المساهمات : 3540

مُساهمةموضوع: موكوس على متعوس   الثلاثاء سبتمبر 20, 2011 10:12 pm


لقيت الفانوس مرة ودعكته طلعلى عفريت… شبيك لبيك
قلت أنا للذل باى وودعته وللعفريت هاهريك هاهريك
قالى هأوأو يا إبن الإنسان دانا عفريت مارد بن جان
ما يهمني مكان ولا زمان واطلب وأنا عندى البرهان
*****************
أناعاوز قمح زُرع فى مصر ومرتب يكفى لآخر الشهر
وحكومة متعصرنيش عصر ومسؤولين يبطلوا فشر
وعاوز عيش من غير طوابير وإنفاق حكومى بدون تبذير
وانتخابات من غير تزوير ورئيس سابق أشوفه كتير
*****************
عاوز فى بيتى شيكارة دقيق وتبرير مقنع لأى حريق
ومجلس شعب بدون تصفيق وفى كأس العالم لينا فريق
وأكلة كباب مشوى على السيخ مع عيالى فى شرم الشيخ
وأشرب فى القسم عصير بطيخ وأخرج سليم بدون تلطيخ
*****************
ونفسى الضحكة ترجع تانى ورصيف للمشى أنا وخلاّنى
وجنيه مصرى زى البرانى يشترى حتة لحمة ضانى
*****************
رد العفريت عليا بغشم وقال يا مصرى ماكنش العشم
بص.. أنا ممكن أشيل الهرم واسدلك الأوزون اللى اتخرم
وأرجعلك الأكل اللى اتهضم وتمأمأ البقرة كأنها غنم
أبنيلك قصر من العدم وأقولك معنى شرم برم
بس طلباتك طلبات ملموس عقله خلاص أكله السوس
ده تخطيط يا بنى ومدروس إنك تعيش على طول موكوس
وأحنا بناخد منكوا دروس إزاى يبقى الجن متعوس
ويا ريت ترجعنى تانى الفانوس وأنا راضى أعيش محبوس
بدل ما أخرج واتبهدل زيك ويتلم موكوس على متعوس


منقول
الرجوع الى أعلى الصفحة اذهب الى الأسفل
sandy38
المراقبة العامة
المراقبة العامة
avatar

انثى
تاريخ الميلاد : 20/01/1992
العمر : 26
عدد المساهمات : 17170
وظيفتك : طالبة

مُساهمةموضوع: رد: موكوس على متعوس   الأربعاء سبتمبر 21, 2011 11:32 am

هههههههههههههههههههههههههه جميييييييييييل اوي
الرجوع الى أعلى الصفحة اذهب الى الأسفل
karem
مبدع بكل المعاني
مبدع بكل المعاني
avatar

ذكر
تاريخ الميلاد : 01/10/1990
العمر : 27
عدد المساهمات : 11487
وظيفتك : ...............

مُساهمةموضوع: رد: موكوس على متعوس   الأربعاء فبراير 08, 2012 6:39 pm

حلووه اوى
تسلم الايادى
الرجوع الى أعلى الصفحة اذهب الى الأسفل
 
موكوس على متعوس
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي طلاب جامعة جنوب الوادي الجديد :: الأقسام الترفيهية :: الحب والشعر-
انتقل الى: