منتدي طلاب جامعة جنوب الوادي الجديد
مرحبا بك في منتدي جامعة جنوب الوادي بشكله الجديد
اتمني أن تجد عندنا ما يسرك
منتدي طلاب جامعة جنوب الوادي الجديد
مرحبا بك في منتدي جامعة جنوب الوادي بشكله الجديد
اتمني أن تجد عندنا ما يسرك
منتدي طلاب جامعة جنوب الوادي الجديد
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدي طلاب جامعة جنوب الوادي الجديد

هنا هنتجمع من تاني
 
الرئيسيةأحدث الصورالتسجيلدخول

 

 يعنى أيه استهبال؟؟؟؟؟

اذهب الى الأسفل 
2 مشترك
كاتب الموضوعرسالة
sun
مبدع يفوق الوصف
مبدع يفوق الوصف
sun


انثى
تاريخ الميلاد : 27/01/1990
العمر : 34
عدد المساهمات : 639
وظيفتك : أخصائى صحافة

يعنى أيه استهبال؟؟؟؟؟ Empty
مُساهمةموضوع: يعنى أيه استهبال؟؟؟؟؟   يعنى أيه استهبال؟؟؟؟؟ Emptyالإثنين أكتوبر 17, 2011 3:18 pm

توبيك او مقااال عجبنى وجبتهولكم بيقولــــــــــــــــــــ ......


عارف طبعا يعنى إية إستهبال ونفترض إنك مش مصرى وعلشان كده مش فاهم الكلمة الغريبة دى..

الاستهبال يا محترم

إنك عندما "تشرع" فى الجلوس تجد من هو خفيف الظل جدا يقوم بسحب الكرسى
فتجد نفسك فجأة طريح الفراش ،فهو تسبب فى إلحاق الضرر والبوظان بك وجعلك
غير صالح للاستخدام الآدمى ولكن كانت نيته سليمة يا أخى . "الراجل كان
بيهزر" ..

أو أخ يروح لاخته الصغيرة ويطلب منها طلب برئ :

تعالى نستغل إن ماما مش فى البيت و نلعب سيرك والبنت الغلبانة توافق ، يروح
يجيب سكاكين المطبخ ويوقف أخته على الحيط ....وهب هب ، ألى ..وهات يا ألى
لغاية مايجيب أجلها..

أو تجدى احدى صديقاتك من اللاتى يتمتعن بخفة
دم قد تجعلها تطير ،تخبرك إن الدكتور لغى نص المادة وتفاجئ إن الامتحان
على اللى قالتلك عليه ملغى..."عيب متشتميش دى مهما كانت صاحبتك وبتهزر
معاكى Smile " ويكون أخرة الاستهبال اللى من النوع ده تحويل أوراقك الى مفتى
الديار..لانك سمعتى الكلام ومشتمتيهاش بس قتلتيها ..شطورة ...

والناس اللذيذة دى اللى بتحب الهزار كتروا اليومين دول بشكل يعرض حياتك للخطر
ولكن ....جائزة المركز الأول فى خفة الظل والدم كانت من نصيب ..... إحم المجلس و الحكومة Smile ... ربنا يجعل كلامنا خفيف عليهم ...

وبجد ومن غير إستهبال حكومتنا زى العسل وبتحب الهزار و مدلعانا أخر دلع ، عندك مثلا:

-موظف دخله الشهرى 250 جنية مصرى ( ما تصلى على النبى)

بفرض إن هذا المواطن حب إنه يشعر بأدميته وحقه فى إمتلاك لامؤخذة ملابس داخلية
لو فكر فى شراء اربعة "لامؤخذة" اتنين صيفى واتنين شتوى بس ، ونوعية متوسطة مش أديدس أو "قوطونيل"..
"اللامؤخذة" الواحد ب 32 جنية ويمشى ب30 مش مصدق إسأل فى المحل اللى جنبى هتلاقيه أغلى من كده ...30*4= 120جنية
250جنيه منهم 120 يتبقى 130.. (ماتزيد النبى صلاة)
أكيد المواطن ده مش هيقضى حياته كلها على "اللامؤخذات" فى إحتياجات تانية
أهم مصاريف العيال ده لو كان متجوز أصلا الاكل ،المواصلات ، اللبس أكيد مش
هيمشى كده .
130جنية وبركة دعا الوالدين إن شاء الله ممكن يطولوا فى عمره و يعيشوه لأخر الشهر...

ولكن هذا الاستهبال اذا إستمر أكثر من ذلك قد يكون شئ مش ظريف لبعض
المواطنين فلا يوجد بركانا.. يتحمل كل هذه الزغازيغ ويظل ساكنا دون أن يثور
... أقصد دون إن يضحك

-النيل : حمال ال.... الأسية Smile ..

مازال المؤرخين والعلماء وأطباء العالم فى حيرة من أمرهم فالمكان الذى
نروى عطشنا منه هو أيضا نفس المكان الذى نروى عطشه بفضلاتنا ...
ومع ذلك تجد من يسأل عن سر ظهور أمراض غريبة ومن من مصلحته إهدار صحة المصريين؟
لا ياراجل..!! اه والنعمة ..
والاستهبال هنا ليس فقط فيما فعلناه بالنيل ولكن فى هؤلاء الذين يتسألون دوما
- الدول الاجنبية اختارت مصر لتكون مقر لها فى صناعة السيراميك والاسمنت
والاسمدة ليه ..!! مع العلم ان قوانين البيئة فى جميع انحاء العالم تعتبر
هذه الصناعات من اكثر الصناعات تلويثا للبيئة ..
هو المصريين كفرة !!؟ ..
ترميلهم زبالة ياكلوا قطران يشربوا مية صرف صحى يجوز ... كم انت عظيم يا شعب مصر..

ولا يوجد أى داعى لشرح هذا الاستهبال فقط مجرد قراءتك أو سماعك لهذه الكلمة كافية بجعلك تشعر بمدى رخصك.."مش قوى يعنى " Smile ..

-إسترجاع سيناء من حوالى 37 سنه .... وحتى الأن لم يتم حتى جعلها مدينة
سياحية ومشروعات التنمية فيها توقفت ،هذا أمر يجعلك تفكر ، اللى يشوفنا
ساعة الحرب يقول دول هياخدوا الأرض يعملوا فيها البدع ،أم إننا حتى الأن
ليس لدينا الحق فى إستغلالها لصالح مصر
أم إنها مازالت محتلة وكان هذا النصر أيضا إستهبال..!! "وماله مش عيب بردك "..

نحن الان فى عام 2011 م وليس عام 2011 ق.م ومع ذلك :
*توجد قرى مصرية لم تصل إليها الكهرباء .
*توجد مناطق اخرى المياه تصل إليهم ولكن بعدما يتنازلوا عن أداميتهم وقد
تكون المياه غير صالحة للشرب ولا تشرب مع إن مصر دولة فيها نيل غير صالح
للشرب ولكنه يشرب... Razz ..
*كفر حميد يبعد عن الجيزة 40 كيلو مصدر دخل أهل هذا الكفر هو تأميع البامية
الكيلو بعشر قروش (سؤالى المهم أخر مرة شوفت العملة دى كانت إمتى؟ ) ..

زهقت استنى !! Sad استنى شوية طيب :

-قامت حاجة كده بيقولو عليها ثورة ههههههههههه عديها عديها Smile.. الثورة
دى كانت ضد النظام الممثل فى الحزب الوطنى .. ومع ذلك فى ناس من فلول الحزب
بترشح نفسها وبتكسب الانتخابات هههههههه اه وربنا زى ما بقولك كده ..

-وفى مجلس حبوب لذوذ طيوب وقلبه ابيض زى فلة السجارة طلع اثناء الثورة
قالك ايه " مش هضربكم يا شعب لانى بحبكم كلكم كده على بعضكم "..لا يا
شيخ..!!

-اومال الناس اللى انضربت فى الشهور اللى فاتت دى.. !! ياعم ماهو كله بيهزر جات عالمجلس يعنى .. Sad طب ده كلام ..

-ومازالت الافتكاسات تتوالى .. منهم افتكاسة المحاكمة .. فين يا عمو
المجلس !! محدش سامعلها حس ليه ..!! شغالين يا ابنى هى الدنيا هتطير ..!!
لا اله الا الله دانتو شعب عجيب ..

اجزم بان هذا الذى نعيشه هو فيلم كوميدى من الدرجة الأولى ولكننا سنخرج من السينما نبكى .. متفهومنيش غلط هنبكى من كتر الضحك ..
ضحكنا كفايا وراح مننا عدد كبير من ضحايا.. نرجوكم باسم الانسانية كفاية استهبال ، حبة جد


منقولــــــــــــ
الرجوع الى أعلى الصفحة اذهب الى الأسفل
yousef
مشرف الملتي ميدا والبرامج
مشرف الملتي ميدا والبرامج
yousef


ذكر
تاريخ الميلاد : 01/10/1986
العمر : 37
عدد المساهمات : 679

يعنى أيه استهبال؟؟؟؟؟ Empty
مُساهمةموضوع: رد: يعنى أيه استهبال؟؟؟؟؟   يعنى أيه استهبال؟؟؟؟؟ Emptyالجمعة أكتوبر 21, 2011 5:30 pm

ههههههههههههههههههههههههههه ده قمه الاستهبال

شكراااااااااااااااااااااااا
الرجوع الى أعلى الصفحة اذهب الى الأسفل
sun
مبدع يفوق الوصف
مبدع يفوق الوصف
sun


انثى
تاريخ الميلاد : 27/01/1990
العمر : 34
عدد المساهمات : 639
وظيفتك : أخصائى صحافة

يعنى أيه استهبال؟؟؟؟؟ Empty
مُساهمةموضوع: رد: يعنى أيه استهبال؟؟؟؟؟   يعنى أيه استهبال؟؟؟؟؟ Emptyالسبت أكتوبر 22, 2011 5:05 pm

yousef كتب:
ههههههههههههههههههههههههههه ده قمه الاستهبال

شكراااااااااااااااااااااااا

اكيــــــــــد

عفوا ,,,, مشكوووور حضرتك على مرورك العطر
الرجوع الى أعلى الصفحة اذهب الى الأسفل
 
يعنى أيه استهبال؟؟؟؟؟
الرجوع الى أعلى الصفحة 
صفحة 1 من اصل 1
 مواضيع مماثلة
-
» يعنى ايه شباب فاشل.........؟
» يعنى إيه مليار جنيه؟
» اشمعنا يعنى يا جدووو..
» عارفين يعنى ايه كوك زيرو بالمصرى؟
» اوع تتعصب ....... ولنفرض انه حصل كدا يعنى وايه فيها

صلاحيات هذا المنتدى:لاتستطيع الرد على المواضيع في هذا المنتدى
منتدي طلاب جامعة جنوب الوادي الجديد :: الأقسام العامة :: المدرج العام-
انتقل الى: