برنامج اجمل كورة

حمد الله على سلامتك ياتينا ونورتى من جديد بالبرنامج الجميل بتاعك

احنـــــــــا فى انتظار اول حلقة فى البرنامج

اهلا وسهلا بكل اعضاءنا

هنبتدى اولى حلقات برنامجنا باخبار خفيفة

طبعا احنا دايما متعودين كل موسم لبداية دورى كمية مشاكل رهيبة وكاننا اختصرنا كل مشاكلنا فى الكورة ودة طبعا لحبنا ليها

جماهير الزمالك تستقبل الحضرى فى

طبعا فى اى حتة فى العالم بنشوف الجماهير فى المدرجات لو شتمو بعض علشان مين الاعيب السوبر اللى عنديهم الاعندنا هنا فى مصر
فى نادى العجائب نادى الزمالك الجماهير عملت احزاب دفاع عن حارسى المرمى اللى فى نفس الفريق ياترى هى دة المنافسة اللى هترتقى بالفريق
ودة واضح من خبرنا اللى بيقول
جماهير الزمالك تمنع الحضرى من الخروج وتهاجمه بالهتافات والمياه
شهد ملعب السكة الحديد مشهداً مؤسفاً للغاية بعد مباراة الزمالك ووادى دجلة عند خروج عصام الحضرى حارس مرمى الزمالك الجديد.
حدث الموقف عند خروج اللاعب من ملعب المباراة بسيارته، حيث فوجئ بتجمع عديد كبير من ألتراس الزمالك ومنعوه من الخروج وقام البعض بالقاء زجاجات المياه على سيارته.
وتعالت أصوات التأييد للحارس عبد الواحد السيد حيث هتفوا قائلين:"عبد الواحد هو الأصل .. احسن جون فى مصر" و "مش عايزينك يا حضرى" واضطر الحضرى للإنتظار حوالى نصف ساعة وكاد الحضرى ان ينتظر اكثر لولا تدخل بعض رجال الشرطة الذين قاموا بإبعاد الجمهور عنه.
ربنا يستر
وكتير من جماهير الزمالك ماكنتش موافقة على الصفقة دى نحب نشوف اراءكم


وطبعا مشاكل الدورى لسة ماخلصتش
ياحرامية .. عايز فلوسى .. طلعوه بره .. فى مشاهد حية من أزمة عبد ربه الأخيرة
وطبعا مافيش داعى نخوض اكتر من كدة العنوان باين
باختصار عبد ربة عايز فلوسة ومجلس الاسماعيلى لما حس انة مش هيستفيد منة طبعا بيخفضوا فى المبلغ

واكيد ابو الحسن بيقول فى سرة ياريت كان اتباع للاعلى ولا الزمالك هههههههههههههههه


ومن الاخبار ايضا
التجنيد قد يعرقل إحتراف متعب!
اللاعب فوجئ بأنه ممنوع من السفر للخارج لمدة طويله بسبب عدم إنهاءه فترة التجنيد الخاص به ولذلك لا يستطيع البقاء مع النادي البلجيكي.
لاعيبة مصر دى ماحدش عارفلها عايزة تحترف ولا اية بالضبط


نبعد شوية عن المشاكل ومعانا خبر حلو

المحمدي يثير إعجاب سندرلاند .. والمدرب المساعد: انتظروا عرضياته الخطيرة
نفسنا فعلا نشوف لاعب محترف بجد وانا متوقعة انى المحمدى هيعمل شغل دة فعلا لاعب هايل


نتمنى نشوف تفاعلكم معانا
واية رايكم فى اللى بيحصل
وقبل مانختم فقرة الاخبار هتشوفوا جدول الدورى المصرى

الخميس 5-8-2010
7:15 حرس الحدود × الزمالك (حرس الحدود)
7:15 المقاولون × وادى دجلة (ملعب المقاولون)
9:30 الانتاج الحربى × سموحة (ستاد السلام)

الجمعه 6-8-2010
7:15 بتروجيت × الاسماعيلى (ستاد السويس)
7:15 انبى × الجونة (ستاد بتروسبورت)
7:15 المصرى × طلائع الجيش (ستاد المصرى)
7:15 الاتحاد السكندرى × مصر المقاصة (ستاد الاسكندرية)
9:30 الأهلى × اتحاد الشرطة (ستاد القاهرة)

وطبعا فيما بعد هنكمل باقى المباريات

ميرسى كتيييييييييييييييييييييييييييييييييييييييييير ليك ياكريم ونتمنى نشوف تفاعلك معانا

شكراا تينا على الاخبار السريعه والجميلة دى

انا عاوز اعلق على خبر عصام الحضرى

اعتقد انى عصام الحضرى بينهى مشواره كده انى هو راح الزمالك لانى اصلا مش كان ليه لازمه خالص انوا يروح الزمالك فى ظل وجود عبد الواحد السيد اما بقى على اللى حصل معاه من الالتراس الزمالك فااده شى طبيعى علشان جماهير الزمالك مش ليه امان مع لعبية النادى ولسه ياما حايشوف من جمهور الزمالك


اما عن خبر عماد متعب هو عماد راح النادى خلاص وبيدرب مع النادى الجديد ومش فيه مشاكل يعنى على حد سمعى ربنا يوفقه فى احترافه ويكون خير سفير للكرة المصرية والنادى الاهلى



المحمدى لاعيب كويس بس ياريت يستمر فى الاحتراف ومش بعد شوية نسمع انوا رجع والاهلى والزمالك بيفوضوا والكلاام اللى بيحصل ده


شكراا تينا على الحلقة المميزه بس ياريت تقولينا مواعيد البرنامج امته علشان نبقى متواجدين

ميرسى كريم على المشاركة المتميزة
ونتمنى نشوف اراءكم معانا فى البرنامج
اما بخوص مواعيد البرنامج يعنى كل كام يوم كدة
لكن لما يبتدى الدورى ونلاقى نشاط كبير فى البرنامج اكيد كل يوم

مشكوره علي البرنامج
يعني هي دي بس اخبار الزمالك
ياريت البرنامج يكون مفهوش تحيز لاي نادي
علشان يكون افضل
والتوفيق لباقي الانديه واللاعيبه

ميرسى بادى على مشاركتك معانا
اما حكاية اخبار الزمالك انا حيادية جدا هنا فى البرنامج
واليوم اللى اتكتبت فية الاخبار كانت اخبار ومشاكل الزمالك هى اللى مسيطرةههههههههههههههه
هنعمل اية

اهلا وسهلا بكل اعضاءنا
حلقة اليوم هى تتابع لمسلسلات رمضان بس بدرى شوية

مش عارفة لية كل اللخبطة اللى عندينا فى مصر مش عارفين اية معنى كلمة احترافواول خبر معانا

كل شوية حد يطلع من مجلس ادارة الاسماعيلى يقول خلاص هنبيع وبعد كدة الحماد موسى قال لا وبعد كدة جة سيد صديق واستقال وبعد كدة فشلت الصفقة
اية اللى بيحصل دة
ومعانا تقرير من مراسلنا بالاسماعيلية ووافدنا بالخبر دة

الساعات الاولي من صباح الخميس: بقية أعضاء مجلس إدارة الإسماعيلي بقيادة نائب رئيس النادي حماد موسي يتهربون من الرد تليفونيا علي الوفد الأهلاوي في الاسماعيلية بغلق هواتفهم المحمولة، واللاعب يبقي ساهرا حتي الفجر بصحبة وكيله انتظارا للحصول علي موافقة عضو مجلس ادارة اخر بجانب الكيلاني لاتمام الصفقة بشكل رسمي.
ساعات قبيل فجر الخميس: نائب رئيس الاسماعيلي حماد موسي يعلن رفضه التام لانتقال اللاعب للاهلي ويتعهد بدفع قيمة الصفقة للاسماعيلي من جيبه الخاص ويتم نشر الخبر علي الموقع الرسمي للدراويش.
فجر الخميس: ادارة النادي الاسماعيلي تبلغ مسؤولي الاهلي الماليين بالحضور الي النادي في التاسعة من صباح الخميس لانهاء الصفقة بعد تأكيد بعض من مجلس ادارة النادي بحضورهم للنادي صباحا.
9:00 صباح الخميس: وفد الأهلي المالي يذهب إلي النادي وكان في انتظاره مدير النادي رزق تميم ولكن بدون حدوث اي جديد في موقف اعضاء مجلس الادارة.
10:00 صباح الخميس: تواجد عاطف زايد عضو مجلس ادارة الاسماعيلي في النادي لمتابعة الاحداث.
11:00 صباح الخميس: سيد صديق عضو مجلس ادارة الاسماعيلي يعلن استقالته رسميا من مجلس ادارة النادي.
12:30 ظهر الخميس: المعتصم سالم يغادر الاسماعيلية الي القاهرة، في اشارة الي ضعف امكانية اتمام الصفقة، وان بقي كل شيئ وارد حتي الساعة الـ5:00 موعد اغلاق فترة الانتقالات.
1:00 ظهر الخميس: مسؤولو الاهلي المالييون يغادرون النادي الاسماعيلي بعدما فشلوا في الحصول علي الاستغناء الرسمي للاعب.
1:45 ظهر الخميس: النادي الاسماعيلي يعلن رسميا فشل الصفقة واستمرار المعتصم في صفوف الفريق في ظل عدم توقيع العدد الكاف من اعضاء مجلس الادارة علي الاستغناء الخاص باللاعب


بجد اية رايكم فى اللى بيحصل

رسميا .. محمد شوقي يعود لصفوف الأهلي

وقع لاعب خط الوسط محمد شوقي عقدا مع النادي الأهلي عاد بمقتضاه إلي صفوف الفريق مرة أخرى بعد رحلة احترافية دامت إلي ما يقرب من 3 سنوات.

بصراحة الاهلى فى تخمة كبيرة من الاعبين فى نفس المركز دة غير المرنبات المجزية متعب وشوقى وغالى والصقر ولسة ابو تريكة ماحدش احسن من حد


وبعد كدة نرجع لخبر غريب فى عالم الاحتراف الغريب اللى احنا فية

مصطفي شبيطة ينتقل إلي وادي دجلة لمدة عام علي سبيل الاعارة
بالزمة دة كلام يعنى هو حرام للاسماعيلى حلال لسموحة
انتقل مصطفي شبيطة لاعب خط وسط النادي الاهلي الي وادي دجلة لمدة عام واحد علي سبيل الاعارة.
وجاء رحيل شبيطة بعد امتلاء خط الوسط الاهلي بعدد من اللاعبين الكبار امثال: احمد حسن وحسام غالي وحسام عاشور وشهاب الدين احمد و محمد شوقي


وفى ظل استهبال لاعيبة مصر والضحك على انديتها وغياب الرجولة فى عدد من الاعيبة لانى الاعيبة اللى نوعية شيكابالا ماتقدرش توفى بكلمتها نسى زمان مين دف لة غرامتة وانة اتوقف برضو راح يمضى لنادى تانى
مش فاهمة ازاى الاعيبة دى تقدر تحترف اصلا
الزمالك يرغب في التفاوض مع اندرلخت بشأن أزمة شيكابالا

أشارت تقارير صحفية بلجيكية إلى أن نادي الزمالك يرغب في اعادة فتح باب التفاوض مع نظيره اندرلخت من أجل حل أزمة صانع الألعاب محمود عبد الرازق (شيكابالا).
وكان النادي البلجيكي أشار في وقت سابق إلى ابرامه عقداً لمدة اربع سنوات مع الدولي المصري عقب قيام الاخير بفسخ تعاقده مع الزمالك في مطلع يونيو الماضي
.


الزمالك يعلن عدم ضم لاعبين آخرين ويرسل القائمة الثانية

أعلن نادي الزمالك اكتفائه بالصفقات التي ابرمها خلال فترة الانتقالات الصيفية الجارية، حيث قام بارسال قائمته الثانية لمنطقة الجيزة.
وحول الصفقات التي كان الزمالك يرغب في ضمها أوضح سراج: "كنا نريد ضم جمال حمزة ومحسن هنداوي لكن الجونة وسموحة أعلنا تمسكهما باللاعبين".

اوقف عند جمال حمزة هو المجلس دة بيستهبل ماكان قدامكم
وطبعا امبارح الزمالك لعب مبارة اما الانتاج فاز فيها بثلاثية مقابل هدفين للانتاج



نخرج شوية من الجو دة ونروح لخبر عالمى عن اسبانيا الجميلة اللى خدت كاس العالم

ماركا: فيلم عن قصة حياة انيستا بسبب هدف المونديال

أشارت تقارير صحفية اسبانية إلى وجود نية لعمل فيلم سينمائي عن قصة حياة لاعب وسط برشلونة ومنتخب اسبانيا بسبب تسجيله هدف التتويج بكأس العالم 2010 بجنوب افريقيا.
وذكرت صحيفة "ماركا" الاسبانية في تقرير لها أن هناك اتفاق بين اللاعب والمنتج السينمائي توم باراك على عمل فيلم يتناول قصة حياة لاعب البارسا.
وكان انيستا سجل هدف التتويج بكأس العالم للماتادور في مرمى هولندا في الحادي عشر من يوليو الجاري



وجانا خبر سريع دلوقتى بيقول انى مصطفى كريم على ابوب الاهلى
بعث نادي الشارقة الإماراتي بفاكس رسمي للنادي الأهلي يبلغه به موافقته على بيع مهاجمه العراقي مصطفى كريم وفقا للشروط المالية التي توصل اليها الطرفين.
وأكد مصدر بنادي الشارقة لمراسل هيثم عرابي أن المفاوضات الخاصة بإنتقال كريم شهدت تقدما ملحوظا خلال الساعات الماضية التي شهدت تنازلا واضحا من مسئولي الشارقة لمسئولي الأهلي خاصة وأن اللاعب ينتهي عقده بعد ستة أشهر أي بإمكانه الرحيل دون مقابل بيناير



هنا خلصت اخبارنا ونتمنى نشوف رايكم ومشاركتكم معانا

الوووووو ايوا ياتينا اهلا بيكى منوره الشاشه

البرنامج زى الفل بيكى وبالاخبار الطازه دائما

انا عاوز اتكلم عن موضوع المعتصم سالم

انا بجد حتى هذه اللحظه فى مصر نو احترااف مفيش حاجة اسمها احتراف عندنا مفيش احتراام الكلمة واحترام الميعاد

واحتراام التعاقد يعنى ايه بعد ما يقولوا موافقين على البيع يطلع تانى يوم يقول انهم مش موافقين وايه عضو يعلن استقالته علشان لاعيب
ومش اى لاعيب ده مدافع يعنى لو الاعيب ده راح الزمالك كان الاخ اللى استقال ده بقى فرحان واول واحد ظهر فى الشاشة وهما

بيمضوا العقد لحد امته احنا حانفضل كده

اما بقى عن عوده محمد شوقى

الحالة دى شى طبيعى لمسلسل عودة الاعبين المحترفين من الخارج الى مصر احنا بدلا ما نطلع لاعيبه اللى بنخرجوا يتحرف

بعد سنه يرجع تانى الله على الاحترااف

شكرااا تينا على الاخبار السريعه والمهمه

فى انتظار الحلقة القادمه

ميرسى كتير لصديق البرنامج كريم على المشاكة الجميلة

وفعلا عندك حق فى اللى بتقولة
بس موضوع المعتصم سالم من الواضح ادارة الاسماعيلى شوية بيشجعوا الاهلى وشوية الزمالك هههههههههه ومن هنا جاى الانقسام

شبيطة لاعب جامد كان نفسى يجى الزمالك
مصطفى

ضم الاعب جدو هل دا
يعتبر من الصفقات الرابحه للنادي الاهلي

لهذا الموسم لم لا

نعرف رايك

جدو شبه مدمر نفسيا وان شاء الله هيتوقف يعني اعتقد انه الالي شرب جدو
وبالهنا والشفا

اكيد جدو حايبقى من الصفقات الرابحه للنادى الاهلى بس هى المشاكل دى تخلص وحاتشوفوا

ان شاء الله حايبقى لاعيب جامد اخر حاجة

هههههههه دا لاعب دولي يا زيمو
انتوا لسا ما شفتوش حاجه منه
جدو جدو اوعي ياجيلك جدو ههههههه

هههههههههههههه
قول كلام غير دا يا تيتو

اسفة على الغيبة
وميرسى لكل اصدقاء البرنامج على ارائهم بس ياجماعة ياريت مانردش على بعضا اوكى