مطبخك ..بيتك..اسرتك...صحتك...جمالك...مع ابله ايمان

السلام عليكى ورحمه الله وبركاته

ازيك يا غاليه عامله ايه يارب تكونى بخير يارب

flower

طبعا كلنا هنا بنات جامعيات وطبعا زى ما احنا عارفين انه الورقه والقلم مش كل حاجه ولا حتى النت يمثلنا اى حاجه لو انا مش بستفاد منه...

flower

تعرفى يا غاليه لازم تكونى مسلمه بجد تقدرى تستغلى اى حاجه حديثه اى حاجه مخترعه جديد اى شئ فى اى شئ انه يفيدك مش يعدى عليكى كدا وخلاص ...

flower

تعالى يا غاليه يا حبيبتى فى الله نتعلم مع بعض اداره البيت والطبخ ونظافه البيت تكون ازاى على اساس علمى ومصادر موثوق منها ...

flower

مش بيقولوا اسألى مجربه ..انا كنت بذاكر كتاب الاقتصاد المنزلى بتاع تانيه ثانوى ...واللى استفادتوا منه يا حبيبتى هلخصهولك علشان تستفادى انتى كمان ..ولو عند اى اضافه تمام يا نور عينى انا موافقه يا سلام ده يبقى تواضع منك...

flower

قبل لنتعلم اساليب الاداره والاصناف المختلفه من الاكل واى حاجه تخص البيت ..

لازم نهتم بيطى انتى الاول ...كام حاجه كدا ع السريع حطيهم فى دماغك علشان تقدرى تكونى ست بيت شاطره ...

lol!

بصى يا غاليه ...حافظى على صلاتك دى هى حياتك

lol!

نظمى وقتك علشان يسهل شغلك..

lol!

ابعدى عن السهر لانه بيأثر على عنيكى ودى احلى واجمل حاجه فيكى ..

lol!

اهتمى باكلك ويكون بنظام علشان مش تتعبى ولا يأثر على منظرك العام ورشاقتك..

lol!

اول ما تيجى تاكلى ..سمى الله...اغسلى ايديكى ...لازم تاكلى فاكه قبل الاكل..بتظبط معدتك..اشربى ميه بعد ما تخلصى ...اغسلى ايدكى ...الحمد لله الذى رزقنى هذا من غير حولا منى ولا قوه..

lol!

لازم تاخدى بالك من صحتك ..

دى اول حاجه بس وهنكمل بعدين مع "مطبخ أبله إيمان" ونكمل المسيره يا غاليه..

وجزاكى الله خيرا منه

السلام عليكن رجعنالكو مره تانيه

ونستسمح استاذتنا ساندى انها تثبتلنا الموضوع بعد اذنها

اتفضلوا

بسم
الله الرحمن الرحيم

السلام
عليكم ورحمه الله وبركاته

الحلقه
الاولى من مطبخ ابله ايمان

"المسكن"

معلش
يا حبيباتى الفتيات هنتكلم اول حاجه عن المسكن فى الكتاب كان تعريف بسيط انه
المسكن من اساسيات الانسان اللى بيكمل بيها حياته ...هنلاقى انه فى اساسيات لاختيارك
او تصميمك لبيتك مثلا ...حجره الاطفال لازم تكون بجوار حجره نومك وكمان قريبه من
دوره المياه علشان الطفل يلحق يروح الحمام بسرعه ..حتلاقى انها لازم تكون واسعه
وفيها مكان لللعب وكدا ..انتى عارفه الاطفال سنينهم الاولى حركتهم بتكون كتيره...

يعنى
حاجات تانيه كتير فكك منها

ندخل
على المهم..

هتلاقى
انه تنظيف بيتك بيتقسم على خطوات او جداول تنظيم ..متعدده هما 3 جداول تقريبا

اليومى
والاسبوعى والموسمى

اليومى
هتلاقى انك لازم تشيلى الغبار من البيت يعنى هتفتحى انوافذ وبعدين هتنضفى الاثاث
بالكنس وبعدين هتلمعى الاثاث..

الاسبوعى
...بيختلف شويه ..ده بيكون ادق من التنظيف اليومى مثلا هتقومى بتنضيف اوضه اوضه كل
حاجه فيها ..بس لو وقتك ضيق مافيش مشاكل انك تحددى كل اسبوع اوضه معينه بجانب
التنظيف اليومى..يعنى مثلا هتشيلى الساتير وتغسليها وتنفضى الجدران والصور وكل
حاجه ..وتلمعى المرايا وتنضفى الاوضه فتفوته فتفوته..وتلمعى الارضيه كمان..

نيجى
للتنظيف الموسمى ..هيزيد على
التنظيف الاسبوعى انك تغسلى السجاد كويس ..ممكن تدهنى بعض الموبيليا ..ممكن تغيرى
بعض قطع الاثاث..وتنضفى خزانات البيت زى مثلا الديب فريزر ..خزانه الملابس كدا..اى
حاجه مخزنه..وبعدين ممكن تعلمى جدول ليكى يناسب شغلك ...يعنى يوم غسيل يوم مثلا
طبيخ كدا ظبطى امورك يا عيونى

الحلقه
الاولى من المسكن خلصت هنكمل باقى حلقات تانيه عن المسكن بس علشان مش اطول عليكى
ولا احسسك بالملل ده انتى نور عينى...

اولا ميرسي ع المجهود يا فارسة بجد دة هيفيدنا جدا لاني ف بنات مش بيعرفوا يعملوا حاجة لغاية دلوقت
ثانيا اية دة مش بحب كد انا

اقتباس :: ونستسمح استاذتنا ساندى انها تثبتلنا الموضوع بعد اذنها

قولي ع طول ساندي تثبت التوبيك
مش معني كد اني زعلانة او حاجة بس بقولك اني مش بحب كد احنا كلنا اخوات يبقي بلاش رسميات

من عنيا يا نور عينى حاااااااااااااااااضر بس بدلع عليكى ولا ايه

الحلقه الثانيه

بسم الله
الرحمن الرحيم

الحلقه الثانيه
من مطبخ ابله ايمان

"المسكن2"

كنا اتكلمنا
الحلقه اللى فاتت عن تنظيف المسكن وانه بيختلف على حسب 3 جداول ..

هنكمل دلوقتى
باذن الله نظافه بيتك يعنى ازاى تتخلصى من القمامه ..

بصى يا ستى
الخطوات هتتقسم يعنى مثلا...

هتلاقى اننا
بنناشد بالنظافه"النظافه من الايمان" وانتى ست راقيه ومسلمه وميه ميه زى
الفل بيتك يدل عليكى يا غاليه فلازم تخلى بالك تمام..

هتلاقى انك
لازم تنضفى الفضلات اول باول لانها هى الشئ الوحيد اذى يجمع الذباب والطفيليات
فخلى بالى وبعدين تحطيها فى الصندوق المخصص للقمامه يعنى مثلا انتى وبتطبخى بيتبقى
فضلات جمعيهم وحطيهم فى كيس..وانتى بعد الاكل برضه بيتبقى فضلات جميعهم وبرضه
حطيهم فى كيس..وبعدين بعد تنضيف البيت هتلاقى فى قمامه برضه جمعيها وحطيها فى
الاكياس..وبعدين حطيها فى صندوق القمامه الكبير...

ياريت الصندوق
بتاع القمامه يكون عليه الغطاء بتاعه علشان الرائحه الكريهه مش تطلع ويتجمع الذباب
حوليها ...

هتلاقى كمان يا
غاليه ..

انه صندوق
القمامه نفسه لازم يتنضف بالماء والصابون علشان مش يتجمع الذباب ..

طبعا نيجى
للحشرات والذباب وكدا والصراصير وازاى بيتك يكون خالى منها اتبعى يا غاليه الخطوات
دى .....سهله وبسيطه..

*خلى كل حته فى
البيت جافه ونظيفه.

*اتخلصى من
الفضلات بتاعه الاكل اول باول...

*بعد ما تخلصى
طبيخ علطول شطبى المواعين والاطباق..

*لازم..تهويه
الفراش ..وعرضيه للشمس ..ةاغسليه كل فين وفين ..

*جددى الهواء
بتاع البيت...

*ممكن تركبى
سلك على النوافذ والابواب..

*سدى الفتحات
والشقوق بمعجون الاسبيداج او الجبس..

*اوعى ترمى اى
فضلات او ميه فى الشارع...

*اوعى تسيبى اى
اكل مكشوف..

*اتخلصى من
القمامه...

ان شاء الله
الحلقه اللى جايه هتكون عن ازاى اتخلص من الحشرات
"الذباب..الصراصير..العته...النموس.البرغوث..الخ.."

ان شاء الله
الحلقه القادمه...

والى لقاء اخر
ان شاء الله مع مطبخ ابله ايمان

اشطاااااااااااااااااااااااااااااااااااااااااااااات
وياريت تنزلي باقي الحلقات
ومش تبقي بخيلة

ههههههههههههههههههههههههههه

بخيله لا ابدا

والله كنت مجهزه باقى الحلقات ابن خالو الصغير راح فرمط الجهاز كله

بس حاضر هجهزلكوا حلقات تانيه لحد ما نخلص الكتاب باذن الله

ساندى حببتى ياريت تغيرى عنوان الموضوع

هيبقى

مطبخك ..بيتك..اسرتك...صحتك...جمالك...مع ابله ايمان

هنكمل باقى الحلقات عن ازاى تتخلصى من الحشرات

واول حشره هيا الذباب

هتلاقى انه الذباب اكثر الحشرات انتشارا

وكمان ضار جدا بالصحه

وعلشان كدا لازم تتخلصى من اى فضلات فى البيت سواء الفضلات اللى متبقيه من الاكل او الطبخ او العب او اغلفه الاطعمه او .الخ

الذبذب فى منه خارج وداخل المنزل

وعلى فكره مضر جدا بالصحه يعنى ممكن لو وقف على الاكل يكون فى اشعيرات بتاعته طعام ملوث او فضلا او بكتيريا يعنى خلى بالك

وكمان هتلاقى انه فى بعض القرى يبجمعوا القمامه ويدفنوها تحت الارض
وبعض المدن هتلاقى انهم بيجمعوها فى اكياس ويحرقوها ف اماكن بعيده

لازم تخلى بالك وتحاولى تغطى صندوق القمامه علشان الذباب مش يتجمع

وازم تنضفى البيت كويس وخلى بالك من نضافه بيتك

لينا عوده مع حشره جديده

بصى

انا بتاسف علشان اتاخير

بس خلاص

ورجعنا تانى مع باقى الحقات

هناخد فاصل سريع من الحشرات

ونرجع لحلقه جديده وفكره تانيه

هنتكلم النهارده عن بعض الاكلات

خليكى معايا يا ست البنات

هنبدأ باول أكله وهى سريعه وخفيفه والكل بيعملها

خليكى معايا

عاوزة تخدى اكمبيوتر لمطبخ مافيش مشاكل

اتفضلى يا غاليه

..............................

الاكله السريعه دى هى البيتزا

معلش ان شاء الله لو فى نصيب هبقى ازلك صوره ليها بس انت عندى بطئ جدافيدوب اكتب بس

بس يا غاليه يا ست الكل

يا اللى كلك ورد وفل

بصى بقا البيتزا سهله جدا

وهى كمان تنفع معاكى او اى حد من بيتك لو حابه تطلعى رحله او سفر

المقادير

للحشو

2 ونص كوب دقيق

نص كوب لبن

نص كوب سمن سائح او زيت

بيضه واحده

ملعقه صغيره خميره بيره

قليل من السكر

2 ملعقه صلصه طماطم

2 ملعقه صغيره ثوم مفرى

2 ملعقه صغيره بسطرمه مفرومه

2 ملعقه كبيره مخلل مقطع صغير قوى

ملح..فلفل

2ملعقه جبن رومى مبشور

حلقات طماطم

حلقات فلفل اخضر

..........................

خلى بالك المقادير دى حوالى 24 قطعه كويسه مناسبه

..........................

الطريقه...

1........تفكك خميره البيرهفى قليل من السكر ثم يضاف اليها اللبن الدافئ..

2.....يضاف السمن السائح الى اللبن ويقلب جيدا ثم يضاف البيض المخلوط بقليلمن الفلفل الأسود...

3....يضاف الدقيق ويقلب جيدا حتى تكون عجينه لينه....

4....تلت باليد حتى توزع الخميره وتصبح ملساء...

5...تفرد الى سمك 1/2 سم وتقطع دوائر قطرها حوالى 5 سم........

6....... ترص فى صاج مدهون بالسمن السائح ثم يدهن السطح خفيفا بالصلصهالمخلوطه بالثوم المفرى.......

7.......يرص على السطح حلقات الطماطم وحلقات الفلفل الاخضر وتضاف بسطرمهوالجبن الرومى...المبشور والمخلل.........

8....تترك اتخمر فى مكان دافئ ثم توضع فى فرن حار حتى يتم وقف عمل الخميرهثم تهدأ حراره الفرن وتترك حتى يتم نضجها ويحمر السطح حوالى 1/4 ساعه.......

9....يمكن ان تشكل على دائره وتوضع فى صينيه مستديره ويزخرف السطح حسبارغبه بالحشو السابق وتتم كما سبق.........

يارب يكون استفادتى يارب

هى سهله بس لازم تعمليها بنفسك يا غاليه

انا اول عملتها نسيت احط الصلصه على العجينه وحطيت الحشو عادى .......فعدينافتركت ورجعت احطه .....بعدها افتركت انى مش حطيت الجبنه.........

لى عوده بعون الله

ايه الموضوع الجميل ده
تاني مرة افتكري تحطي كل المقادير

تسلمي يا فارسة

ايه ياإيمى الحلاوه دى موضوع جميل جدا
تسلمى ياحبيبة قلبى
يالا كملى مستنينك

حاضر يا زهره مش هنسى

منوره صافى حاضر

اهو معاكو اكله جديده وغريبه

"مقلوبه الباذنجان" انا اول مره اسمع عنها

اتفضلوا
يقدم لـ 4 أشخاص، مدة الاعداد 90 دقيقة.

المقادير: المقادير كيلو ونصف باذنجان، أوقيتان لحم ضأن، 4 أكواب ماء، ملعقة طعام ملح، نصف كوب صنوبر، كوب و نصف أرز، ربع كوب من سمن،نصف ملعقة صغيرة بهار، نصف ملعقة صغيرة قرفة، نصف ملعقة صغيرة كركم، 2 كوب و نصف زيت لقلي الباذنجان.

طريقة الاعداد: نقي الارز واغسليه بالماء عدة مرات و صفيه. حمري الصنوبر في السمن وارفعيه جانبا على ورق خاص لامتصاص الزيت.

قشري الباذنجان وقطعيه الي شرائح، ضعي الزيت في مقلاة علي نار متوسطة الحرارة حتي يحمي ثم اقلي شرائح الباذنجان في الزيت وصفيها من الزيت.

اغسلي اللحم وضعيه في قدر علي النار وأضيفي اليه الماء ،أزيلي زفرةاللحم كلما ظهرت علي سطح القدر، وأضيفي اليه الملح و التوابل و وغطي القدر واتركيه علي نار خفيفة مدة 40 دقيقة. صفي مرق اللحم ووضعي قطع اللحم جانبا.

ضعي 2 ملعقة كبيرة من الارز غير المطبوخ في قعر الطنجرة المعدة للمقلوبة ثم ضعي اللحم فوق الارز و رتبي قطع الباذنجان المقلي فوق اللحم و علي جوانب الطنجرة.

أضيفي الكمية الباقية من الارز فوق الباذنجان و وأضيفي مرق اللحم الساخن الي الارز تدريجيا حتي لا يتغير ترتيب الارز و الباذنجان، غطي الطنجرة واتركيها علي نار خفيفة لمدة اربعين دقيقة .

اقلبي الطنجرة علي صينية اكبرمن حجم الطنجرة و ارفعيها بانتباه حتي لايتغير ترتيب المقلوبة وانثري عليها الصنوبر المحمر وقدميها مع الروب والسلطة.

يارب تعجبكن

اى مصطلح غريب اسئلوا عنكو جوجل لانى اول مره اشوفها زيكو بالظبط

السلام عليكم..

وهنكمل المطبخ بعووون الله

بسم الله الرحمن الرحيم

السلام عليكم ورحمه الله وبركاته

بعد غياب ...وبعد دراسه وامتحانات ...وخلاص اخدنا الاجازه ...وللاسف ساعتها مصر مرت بثوره 2011 مــ .وانا افتخر بالثوره الشعبيه دى ....ومعدش فى للاسف خلاص ...وبقى حليف مصر النصر ...واللى كان حايشنا عنك يا بنت مصر هو انقطاع النت ...

والنت رجع اهو خلاص ...وعلشان نبدأ مع مصر ويبقى كل شئ جميل وجديد ...

هنكمل معاكى بعون الله ...بيتك ومطبخك واسرتك وصحتك وجمالك ..وكمان اطفالك واناقتك وراحتك ...مع ابله ايمان ....

بس عاوزة منك انك تكونى معايا وتتفاعلى علشان احس انك استفادتى م اللى بقدمهولك ..هو انا ليا مين غيرك يا بنت مصر ...

للاسف معلش ..كتاب الاقتصاد بتاع ثانويه عامه اللى كنت بلخصه ..واحده صحبتى استلفته منى .. وان شاء الله هترده الترم التانى ...

بس دى مش مشكله خالص ..ربنا يخليلى خالتى ..معاها كتاب اقتصاد بتاع اولى ثانوى...

فان شاء الله هكملك منه بعون الله ...

هنحاول ناخد كل كم يوم حلقه ..بعون الله ..لو حسيت فى تفاعل ..هنزل الحلقات كل ملاقى ردود ...

مش مهم انك تردى ..المهم تستفادى ..بس ردك بيسحسسنى انك معايا ومؤيدانى ..

بعون الله نبدا ونكمل باقى الحلقات ...علشان نرفع راس مصر وشعب مصر ...[b]

اول موضوع بعون الله

هيكون عن

.

.

.

بسم الله الرحمن الرحيم

وبه نستعين وصلاه وسلام على نبينا العزيز الامين ..اما بعد ..

طبعا يا غاليه لازم تكونى نظيفه وتحافظى على نظافتك سواء كانت فى الجسم او البشره او الشعر او الاظافر ..الخ لازم تكونى نظيفه ..

وطبعا النظافه من الايمان دا شئ طبيعى ..والنظافه بتديكى طابع خاص وملمس جميل كفايه انك انيقه رشيقه نظيفه حتى تحافظى على نفسك م الميكروبات وغيرها ..وولادك بعدك يكونوا نظاف..

اولا العنايه بالجسم..

طبعا يا غاليه ..

الاستحمام مهم اوى وضرورى جدااا ومن فوائده ما يلى ..
1:ـــ يساعد على ازاله الاوساخ والعرق والروائح الناتجه عنه.

2:ــــ ينشط الدوره الدمويه.

3:ـــ يحسن ملمس الجلد والبشره ويحافظ على رونق الشعر.

4:ـــ يخلص الجسم من توتر العضلات والاعصاب.

5:ـــ يعتبر عمليه تدليك لعضلات الجسم مما يساعد على مرونتها.

6:ــ ينعش الجسم ويحسن الروح المعنويه .

...
يستحسن سيدى ان تاخدى حماما يوميا سواء لان التعود عليه شئ اكثر من رائع انستى..

ويلاحظ انه من المفضل اخذ الحمام ليلا فى الشتاء ولكنه يؤخذ صباحا فى الصيف..
كما يلاحظ الفرق بين الشتاء والصيف وكذلك ظروف وحياه الفرد ..لان الحمام اليومى مفيد للغايه انستى..

وكذلك يوجد فرق بين الحمام اليومى والحمام الكامل..صيفا وشتاءا فعليكى سيدتى مراعاه ذلك..

وعليكى الاهتمام كذلك بغسل الوجه والرقبه والاذنين وحول الانف بالماء الدافئ والصابون مع الدك لانها اكثر المناطق التى تتجع فيها الاتربه وكذلك تقوم بافراز الدهون فيتم بعدها شطفها بالماء الدافئ ثم بالماء البارد وتنشيفها بالمنشفه الخاصه بذلك..

اما الكوعان والكعبان فيحتاجان الى عنايه خاصه عند تنظيفيهما..حيث يغسلان جيدااا بالماء الدافئ والصابون ويدعكان جيداا باللوفه والحجر الخفاف الخاص اذا لزم الامر...
وكذلك يحتاجان بعد الحمام وعند الليل الى دهان مستمر حتى يظلا ناعمين وتظل كذلك ملساء ..

ويلزم لذلك تدليكها بالجليسرين واستعمال كريم مغذى وهذا يساعد على حفظها ناعمه وتظل ذات رونق جميل ..ويحافظ عليها من الجفاف والتشقق.. واذا لم يوجد جلسرين فانه يتم استخدام الليمون او قشره او عصيره ليتم تدليكهما به ..

ملاحظه..ويوجد حاليا معطرات توضع فى الماء فى البانيو وتكون مزيله للقازورات وغيرها ..

وعندها يتم الاستغناء عن الصابون..
ملحوظه مهمه جداااا..

قد تمتنع بعض الفتيات عن الاستحمام خلال الدوره الشهريه خوفا من الماء .. ولكن لا توجد خطوره فى ذلك ..فالماء الدافئ اكثر لزوما للفتاه خلالها حتى يزيل القازورات والروائح غير المستحبه على ان تكون الفتاه واقفه اثناء الحمام...

ــــــــــــــــــــــــــــــــــــــــــــــــــــ

اللهم اجعلنى ممن يقولون فيفعلون ...ويفعلون فيخلصون...ويخلصون فيقبلون...ءامين

سبحان الله

اسلوب رائع

وتنسيق جيد

وكمان سبحان الله

روح التحدى موجوده فى كلامك يا مهاجره

متابعين معكى بعون الله

hgsgh
السلام عليكم
كان نفسى اكمل المطبخ بس للاسف لم يعد لدى وقت
وان شااء القدر واستطعت تكملة الموضوع فالله المستعان
والا فسامحونا

» ماكولات تؤثر على جمالك
» سأخبرك سر واحد ...لم يخبرك به احد..وبعدها ستنظفى بيتك مثل النحله..