لو انت بتعمل كده للاسف متبقاش راجل

لو انت بتعمل كدة للأسف متبقاش راجل
* لما ترضى تقعد سيادتك فالبيت وامك وللا اختك يصرفوا عليك
للأسف متبقاش راجل


* لما تكون طول وعرض وفشخره ع الفاضي
للأسف متبقاش راجل


* لما فـ كل لمة مع صحابك تقول بصوت عالي
عرفت فلانه بنت فلان وضحكت عليها
ودي صورها ودي نمرتها
للأسف متبقاش راجل



* لما تلبس وتتبرفن وتنزل تلف فالمولات من غير هدف
وتكلم دي وتعاكس دي
للأسف متبقاش راجل



* لما تخليت عن لبسك
ولبست بنطلون واقع من كتر ماهو مكسوف منك!!
للأسف متبقاش راجل



* لما تكون فاضي طول الوقت ووقت الصلاة سبحان الله تنشغل
للأسف متبقاش راجل


* لما تكون متجوز أو خاطب أو حتى بتحب
وتخون بكلمه ونظره مع الغير
للأسف متبقاش راجل


* لما تعتمد على فلوس ومنصب باباك
وتقول: وانا اشتغل واتعب نفسي ليه!!
للأسف متبقاش راجل


* لما تجرح أختك وتنسى أنك الراجل والأقوى
للأسف متبقاش راجل



* لما تبيح لنفسك كل حاجه وتحرمها على مراتك
للأسف متبقاش راجل




* لما تتصل عليك أمك وانت سهران مع صحابك اخر الليل
وتقفل انت الخط فوشها وتقول يوووه خنقتنا العجوزه دي
للأسف متبقاش راجل



* لما تكون وسيلة التفاهم عندك ايدك مش لسانك
للأسف متبقاش راجل



* لما تخجل من شغله أبوك البسيطة
للأسف متبقاش راجل



* لما مراتك تساعدك فـ اقساط الشقه وفرش البيت
وتتجوز عليها واحده تانيه وتسكنها فشقة مراتك
للاسف متبقاش راجل




* لما تفرق بين بنتك وابنك
وتقول لاء ده واد عزوه والبنت تتفلق
للأسف متبقاش راجل



* لما تتخلى عن أعز صحابك فوقت الشده
للأسف متبقاش راجل



* لما تعاكس بنات الناس عادي
وأختك لا عيب انا اختي ماتتعاكسش
للأسف متبقاش راجل



* لما تحبها وتحبك بصدق
وفجاءة شفت غيرها وتخليت عنها وتخون بدون اسباب
للأسف متبقاش راجل




* لما تحط عينك على وحدة تعرف أن أخوك أوصاحبك بيحبها
للأسف متبقاش راجل



* لما تعلي صوتك فوش امك عشان ترضي الست الهانم مراتك
للأسف متبقاش راجل




* لما تنقل كلام من واحد لواحد
للأسف متبقاش راجل




* لما تشوف بنت في حالها
ومابتعبرش حد
وتقول: شايفة نفسها على ايه دي؟ وربنا انزل مناخيرها الارض
للأسف متبقاش راجل




* لما تصدق الناس اللي بيتقالك عن حد صاحبك او عزيز
من غير ما تسمع منه حتى او تديله فرصه يوضحلك
للأسف متبقاش راجل




* لما فجأة تكتشف بعد جوازك
وبعد ماجبت منها كم عيل
انك ابتديت تحبها
وتقولهالها وتوجعها بيها!!
للأسف متبقاش راجل





مش كل واحد عنده شنب ودقن يبقى راجل...

الرجوله
موقف
وكرامه
وتصرف

********

مش بهاجم حد
بس بجد العينات دي موجوده فى مجتمعاتنا وكتيره
وده مايمنعش ان في رجاله بجد ونعم الرجالة

عندك حق يابنتى لحسن الرجولة ابتدت تنقرض هههههههههههههههههههههههههه
مش كلهم طبعا
ميرسى على موضوعك

ماانا قولت مش كلهم بس موجودين بردوا
مرسيه لمرورك تينا نورتى التوبيك

عليا بالنعمه يادودى مواضيعك زى الفل ومفهاش اى غلطه

تسلم الايادى......واللى مش راجل ربنا يهديه ويكون راجل

مرسيه لمرورك يا محمود نورت التوبيك

توبيك روعه
مشكوره ع الكلام الجميل دا
والتوبيك الهايل دا نااااااااايس

لما تشوف بنت في حالها
ومابتعبرش حد
وتقول: شايفة نفسها على ايه دي؟ وربنا انزل مناخيرها الارض
للأسف متبقاش راجل

فى ناس كتيرة كده على فكره بس ربنا يهدى الجميع

ميرسيه لمروركم مؤمن _رشدى نورتو التوبيك

تسلمى يا دودى

جزيتى الجنه

نورتى التوبيك يا فارسه

هو ف اصلا رجالة
ماتوا ف الحرب

هههههههههههه
ميرسي لمرورك يا ساندى

لا فى رجاله ياساندى بس دى عينات زى ما فى سيدات كتير وحشه فى رجاله برضو

تسلم الايادى

اه طبعا ف رجاله كويسه بس اللى بنتكلم عنهم بقوا اكتر
نورت التوبيك يا كريم

* لما تكون وسيلة التفاهم عندك ايدك مش لسانك
للأسف متبقاش راجل
انا وسيلتى فى التفاهم لسانى بس لو اتنرفزت ودا بيحصل بسرعة وانا بعترف انه عيب بتكون وسيلة التفاهم يدى واحيانا رجلى ولو فى وسائل مساعدة اوكى لية لا
بس زى ما قلت لما بتنرفز بس بستعمل ايدى يعنى الحمد لله راجل
وياريت بلاش المواضيع اللى بتهاجم الرجالة دى علشان بتدى الفرصة لناس تقول حرب ورجالة وهما متعقدين اساسا (مش عليكى يا sandy ههههههه