على اِسم مصر - صلاح جاهين و شعر لأحمد مجدي

على اِسم مصر - صلاح جاهين
ــــــــــــــــــــــــــــــــــــــــــــــــــــــ
على اسم مصر التاريخ يقدر يقول ما شاء
وأنا مصر عندي أحب وأجمل الأشياء

باحبها وهي مالكه الأرض شرق وغرب

وباحبها وهي مرميه جريحة ف حرب

باحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

مصر النسيم في الليالي وبياعين الفل
ومرايه بهتانة ع القهوة - أزورها - واطل

القى النديم طل من مطرح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ما عرفوا الذل

ومصر فوقفي الفراندة واسمها جولييت

ولما جيت بعد روميو بربع قرن بكيت

ومسحت دمعي في كمي ومن ساعتها وعيت

على اسم مصر

مصر السما الفزدقي وعصافير معدية
والقلة مملية على الشباك - مندية

والجد قاعد مربع يقرا في الجرنال

الكاتب المصري ذاته مندمج في مقال

ومصر قدامه اكتر كلمة مقرية

قريتها من قبل ما اكتب اسمي بإيديا

ورسمتها في الخيال على أبدع الأشكال

ونزلت أيام صبايا طفت كل مجال

زي المنادي وفؤادي يرتجف بجلال

على اسم مصر

النخل في العالي والنيل ماشي طوالي

معكوسة فيه الصـور - مقلوبة وانا مالي

يا ولاد أنا ف حالي زي النقش في العواميد

زي الهلال اللي فوق مدنة بنوها عبيد

وزي باقي العبيد باجري على عيالي

باجري وخطوي وئيد من تقل أحمالي

محنيه قامتي - وهامتي كأن فيها حديد

وعينيا رمل العريش فيها وملح رشيد

لكني بافتحها زي اللي اتولد من جديد

على اسم مصر

ـــــــــــــــــــــــــــــــــــــــــــــــــــــــــــــــــــــــــــ

وجندى يسمى باسم الله
والله اكبر شعاره وخطاه
وصاعقه تنادى بعلو الصوت
حقك راجع مش هيموت
روحنا على اكتفنا وهنفوت.
..ومدفعجى يقول ما رميت
لكن الله رمى
وعدو مغتصب
فى خندق حصين احتمى
وخط بارليف اللى قالو حتى
لو ميت صاروخ عليه اترمى
بفكر بسيط حلينا اللغز
مش محتاجه مراجع ولا ترجم
هشارك ابن بحرى وابن قبلى
فى الملحمه
كتب التاريخ شاعر ولحنه كروان
بدندنه
جيش بايمانه خطى صعاب
ولا بيخاف ولا بيها
بعبد الناصر قالها زمان
وحوش الصاعقه فى الميدان
احنا رجالك احنا رجال
كخير اجناد الارض
علشانك نخوض فى معارك
منتصر او كنت هالك
اهم حاجه عندى يابلدى
كرامتك وراحت بالكراسك عاليه مهما يكون
وعشانك كل شئ ف الدنيا يهون
ـــــــــــــــــــــــــــــــــــــــــــــــــــــ
للشاعر/ أحمد مجدي

ميرسي ليكي

الله الله الله
ياعم صلاح جاهين
الله يرحمك
ناااااااااااااااااااااااااايس توبيك يا وفااء

على اسم مصر

جمييييييييييييييييييل جدا جزيتى الجنه يا جوجو تسلمى يا غاليه

مشكورين ياجماعة أوي أوي علي مروركوا و علي التعليقات الجميلة دي
منوريييييييييييييييييييييييين

باحبها وهي مالكه الأرض شرق وغرب

وباحبها وهي مرميه جريحة ف حرب

باحبها بعنف وبرقة وعلى استحياء

واكرهها وألعن أبوها بعشق زي الداء

تسلم الايادى
بس مين احمد مجدى دة

الله الله يا عم صلاح يا جاهين
هههههههههههههه
مشكورة يا ليدر علي رائعة صلاح جاهين
وعجبي

» الرباعيات .. صلاح جاهين " اشــعــار بالعامية المصريــــة "
» خاص .. مجدي عبدالغني: تأجيل إعلان قرار أزمة جدو ليوم الاحد
» وليد صلاح الدين
» كيف يكون صلاح القلوب ؟
» قلعة صلاح الدين الأيوبى