عاوز اذاكر ..بس الوقت انتهى..وخلص..

السلام عليكم ورحمه الله وبركاته

ازيك يا اخى

ازيك يا اختى

ازيكو كلكو يارب تكونوا بخير ...اللهم ءامين..


عاوز اذاكر بس.....
نفسى اذاكر هموت واقعد ربع ساعه على بعضها ع الكتاب.. ياربى اعمل ايه الامتحانات خلاص قربت وانا ..




ــــــــــــــــــــــــــــــــــــــــــــــــــــــــــ


اهدى كدا واستهدى بالله الا انك تعيط وتبكى ورب العزه موجود

ياه كون انك فكرت انك انك فى مشكله وانتا عاوز تذاكر بس الوقت خلاص..


ده فى حد ذاته انجاز وعرفنا اننا بنحس الحمد لله وعرفنا انه فى مشكله..

الحمد لله كويس جداااااااااااااااااااا

اوع تفتكر انه الوقت بيخلص ..تصدق معاك فرصه لحد قبل الامتحان بيوم بلاش يوم خليها لحد الامتحان بكم ساعه


بس تعرف يا اخويا وتعرفى يا اختى

غمرها العصبيه ولا التوتر بتجيب نتيجه ..بلاش تفكر وبلاش تفكرى كل شويه انه الوقت انتهى بلاش ..

انا مش هقول خليكو كوووووووووووووول اوى ومش تحسوا انه معاكو امتحان وتحديد مصير ..

بس خليك عارف وخليكى عارفه انه كل شئ نصيب.. ونعم بالله..

اولا :

لازم تحط املك فى الله عزوجل هو بس اللى هينفعك ويكون معاك لما تيجى تسال صحابك ها ذاكرت ياراجل مذاكره ايه بس هى ناقصه..تروح انتا ياعينى تقول طيب على كدا انا احسن منه والحمد لله انى فتحت الكتاب ..

يا عينى ..فتحت الكتاب ايه بس صدقنى كله لنفسك ..ومحدش هينفعك ذاكرت ليك مش ذاكرت برضه ليك..وصاحبك فتح الكتاب او لا ..مش هينفعك ..يعنى هو عيب انى اذاكر لاسمح الله..

ثانيا:
بالله عليكى ..وبالله عليكى ..
حاولوا على قدر المستطاع

الصلاه الصلاه الصلاه الصلاه الصلاه الصلاه

اخدنا فى ثانويه انه التكرار يفيد التوكيد وشوف انا كررتها كم مره

استحلفكوا بالله الصلاه دى صله بينك وبين رب العزه هو حد يطول يبقى في بينه وبين ربنا صله ياه اللهم ارقنا جنتك..

تعرف وتعرفى من احب الاعمال الى الله الصلاه الى وقتها ..ربنا بيحب كدا يبقى اعمله اومال عاوزه يحبك وينجحك ازاى بس ..

ثالثا:
انتا وبتذاكر حاول تصفى ذهنك من اى شوائب ... شوائب ايه هو احنا فى حصه كيمياء ..^_^..

لازم ذهنك يبقى صافى علشان تقدر تدخل شئ جديد..


رابعا:

حاول تدعى لاصحابك انهم يذاكروا كويس وربنا يوفقك ..ده الحديث بيقول ولك مثله ادعيلهم باللى عاوزه لنفسك واللى حاسه انه لو حصل هيفرحهم ....

خامسا :
اذا مليت من ماده حاول تمسك غيرها بس مش تضيع وقت فيما لا يفيد ..هتندم والنجم لا يجدى بشئ ..

سادسا..

ابدا بالمواد اللى شايفها مهمه معلش حتى لو كانت صعبه




سابعا :
حاول اول ما تمسك ماده تصفحها كلها لاول مره حاول تعرف دى بتتكل على ايه ..وايه المهم فيها ..علشان لما تذاكرها تانى تعرف انتا هتركز ع ايه ..والله المستعان..


ثامنا :
حاول مش تكون بخيل لو حد طلب منك شرح تلخيص تبييض لاسمح الله ع اساس انه حد بيبيض ..معلش ..اعطيهوله علشان ربنا يكرمك .


تاسعا واخيرا..
حاول تاخد رضى اللى حواليك سواء م الاهل او الاصحاب..




بتمنى من كل قلبى انه ربنا يوفقكو ويرضى عنكو