عاوز اعيش مبسووووط

السلام عليكم ورحمه الله وبركاااته


خلاااص خدت قرار ...
خدت قرار انى هرجعلك يااارب ,,مش هعمل اى حاجه تبعدنى عنك يارب ..
جربت البعد عنك ومكنتش عارف اعيش ..حاسس انى كنت عايش ميت ..
انا عارف انا الى بعدت عنك بأراتى ,انت يارب كريم مبتبعدش عن عبادك ,احنا الى بنبعد عنك باستهتارنا بالمعاصى ..
يارب انا عارف انك هتقبلنى لانى مليش غيرك ..
...وانت قلت يارب وقولك الحق من تقرب الى شبرا تقربت اليه ذراع ..وانا قربت منك يااارب..
يااارب انا عاوز اشكيلك حالى .واشكيلك ضعفى ..يااارب انا من غيرك لا شىء ..
أتوسل اليك ياااربى أعنى على نفسى وعلى الشيطان ...
يارب نفسى لما يجى الليل اقوم اصلى وانا مشتاااق .
نفسى لماا اسجد ابكى ..واقولك على كل حاجه جواايا ..
انا جوايا حجات كتير قوى يارب مش عارف اقولها لحد غيرك ..
يارب انا كنت محرووووووم ..محرووووم من البكاااء ..محروووم انى اشكيلك ..محروووم انى اقعد وارفع ايدى وادعى ..
يارب اقبلنى انا عاوزك يااارب ..
يارب انا هفضل طول الليل بستغفر عشان تقبلنى وتغفرلى كل الذنوب الى بعدتنى عنك ..
..
قررت وساعدنى يارب ..ده هيبقى يومى من انهارده ..
هبتدى يومى بركعتين قبل الفجر عشان الوقت ده بيبقى الدعاء والتوبه فيه مقبولين ..وبعدهااا بصلاه الفجر ..وهدعيك قووى فى السجود واقول يارب عنى على طاعتك ..
وبعدها هقعد على سجاده الصلاه شويه اقول اذكار الصباح عشان تحفظنى ..
..

شويه حجات كده كلنا محتاجين نظبتهاا ..اول حاجه (غض البصر) استفدنا ايه لما نطلق بصرنا فى الشوارع .الشباب يبصو ع البنات ..والعكس

تانى حاجه اللسان (الغيبه والنميمه والكذب ) من انهارده مش هنكلم على حد .ومش هنكدب لاننا مش هنخاف الا من ربنااااا ..

ثالث حاجه ..مش هعمل شات تانى ..لو انت شاب الى متحبوش لأختك او مراتك متحبوش لبنات المسلمين .. ولو انتى بنت ..عمرك ماهتتجوزى بمعصيه ربنااا (لن تنالو ماعند الله الا بطاعته)..
رابع حاجه ودى للبنات ..فيها ايه لماتلبسى لبس شرعى يرضا بيه ربنا عنك ..ولو رضى عنك كل ابواب الرزق والسعاده اتفتحتلك..والزواج مش بأيد حد غير ربنااا ..ارضى ربنا عشان يرضيكى ..
..
ندعى ربنااا ف الاخر ..اللهم اعنا على طاعتك ..يارب حببنا فى طاعتك وكرهنا فى معصيتك ..اللهم ارزقنا العفاف والغنى ..
اللهم زوج بنات وشباب المسلمين ..اللهم ارزق بنات المسلمين الحجاب الشرعى وحببهم فيه ..



م
ن
ق
و
ل