حوووار فى الجامعه ...تعالى نشم نسيم الطاعه

السلام عليكم ورحمة الله وبركاته

حوار فى الجامعة

مصطفى : جرى إيه يا ابو حميد مالك مش على بعضك متسربع كدة ليه؟
أحمد: يا عم عايز اخلص نفسى عشان أعدى عالسوق قبل الزحمة.
مصطفى : مش عوايدك يعنى وانت مالك ومال السوق؟
أحمد : عايز الحق أشترى لوازم فسحة بكرة بدل متأخر واقف فى طوابير وبهدلة.
مصطفى : طوابير إيه وبهدلة إيه , أنت رايح تجيب عيش؟
أحمد: لا ياسيدى عايز الحقلى كيلو فسيخ قبل ميخلص.
مصطفى : إخص..فسيخ ..كل ده عشان تاكل فسيخ؟
أحمد: أيوة يا بنى هى فسحة بكرة تبقى فسحة من غير الفسيخ والبصل والذى منه.
مصطفى: إف... قلبت المدرج يا جدع ,فسحة إيه المأندلة دى؟
أحمد: طول عمرى اقول عليك مش عايش فى الدنيا , يامانفسى يابنى انضفلك دماغك, بكرة شم النسيم يا بنى ءادم.
مصطفى: وانا ملى ومال شم الفسيخ , ده بدعة يا احمد مينفعش نحتفل بيه.
أحمد: بدعة إيه وده ماله ومال الدين , ده يوم بنتفسح فيه وناكل ونشم الهوا.
مصطفى: طيب , أنا بقى اللى مش حسيبك النهاردة غير اما انضف دماغك, اسمع يا سيدى حديث النبى صلى الله عليه وسلم
"لتتبعن سنن من كان قبلكم ، شبرا بشبر وذراعا بذراع ، حتى لو دخلوا جحر ضب تبعتموهم "
. قلنا : يا رسول الله ، اليهود والنصارى ؟ قال : فمن
الراوي: أبو سعيد الخدري المحدث: البخاري - المصدر: صحيح البخاري - الصفحة أو الرقم: 7320
خلاصة حكم المحدث: [صحيح]
والعيد ده بقى مش من عندنا ده عيد فرعونى.
أحمد: مش من عندنا ازاى مهو انت بتقول اهو أجدادنا الفراعنة العظماء هما اللى اخترعوه.
مصطفى: أجدادنا ..وعظماء كمان..ياستير يارب , واحنا مالنا ومالهم دول يابنى احنا مسلمين وده مش من أعيادنا.
عبدالله: السلام عليكم ورحمة الله وبركاته
مصطفى: وعليكم السلام ورحمة الله وبركاته.
أحمد: أهو عبدالله جه أهو ..كنت فين يا راجل تعالى احضرنا.
عبدالله: شكلكوا بتتخانقوا.
أحمد: ياسيدى مصطفى عايز يقنعنى ان شم النسيم مينفعش نحتفل بيه قال ايه علشان عيد فرعونى.
عبدالله: عنده حق طبعا , أنا لسة منزل درس للشيخ مسعد أنور من منتدى الطريق إلى الله , وسمعت فيه الكلام ده, استنوا كدة..أهو الmb3 معايا لا انت ولا هو اسمعوا الشيخ
http://www.way2allah.com/modules.php...les&khid=22608

(وبعد سماع المقطع)
أحمد: ياااااااه والله الشيخ عنده حق, بس هل معنى الكلام ده إنى حرام أشم الهوا واكل واشرب زى الناس هو الأكل والفسح حرام؟
مصطفى: لا طبعا مش حرام مين قال كدة؟
أحمد: محنا لسة سامعين انه حرام علشان مينفعش نتبع الكفار فى أعيادهم.
عبدالله: بص يا ابو حميد الأصل فى الأكل والشرب والفسح وغيره الإباحة إلا لو فى نص يحرم حاجة معينة , تمام كدة؟
أحمد : تمام.
عبدالله: طيب انا بقى أسألك هى الفسح والأكل والشرب لازم تبقى فى يوم محدد ؟
مصطفى: عندك حق يا عبدالله , حاجة غريبة والله يعنى انت يا عم احمد لو مكلتش السمك المعفن وشميت الهوا فى اليوم ده الهوا حيخلص ولا مش حتلاقى تاكل تانى؟
أحمد: لا طبعا, بس الناس اتعودت تاكل وتتفسح فى اليوم ده .
عبدالله: تعرف بقى مين يجاوبك على كلامك ده ؟, الشيخ عطية صقر رحمه الله ومن حسن حظى ان كلامه موجود فى نفس الدرس , اسمع يا سيدى.

(وبعد المقطع)
أحمد: والله عنده حق الشيخ ما شاء الله , كدة فهمت , معلش يا درش كنت حدخل فيك شمال بس دلوقت اقتنعت العلم نور صحيح.
مصطفى: ولا يهمك يا ابو حميد، يعنى خلاص مفيش شم نسيم؟
أحمد: لا يا عم الحج بلا شم الفسيخ بلا بتاع , من النهاردة حنشم نسيم الإتباع , عشان كدة بقى هات الدرس بقى أسمعه لباقى صحابى عشان فسحة بكرة تبقى فى الباي باي .
مصطفى : ما شاء الله عليك أيوة كدة .
عبدالله: بس كدة , واتفضل ياسيدى كام مطوية وكتيب عنه كمان.
أحمد : يلا اشوفكوا بكرة إن شاء الله يارجالة , السلام عليكم.
عبدالله ومصطفى : وعليكم السلام ورحمة الله وبركاته.
*********

من تأليف أخت ليا فى الله وأنا نقلته
ربنا يجعله فى موزاين حسناتها يارب

بصي انا مش كملت الحوار اصلا
بس العيد دة مش بدعة ولا اي حاجة
دة عيد فرعوني وانتي اعترفتي بدة
اما اجدادنا وعظماء ف هما فعلا اجدادنا وعظماء كمان
نهايتة
نايس

ههههههههههههههههههههههه

ناااااااااااااااااااااااااااااااااااايس

طيب كملى الحوووار يا ساندى وشوفى باقى الحكايه ايه وانتى هتعرفى

شكرا لمرورك

شكرا لمروركم تيتو

» حوووار مع الشبااااب
» معيد فى الجامعه
» اخر اخبار الجامعه
» انواع طلاب الجامعه
» ورشه عمل بنات الجامعه