السلام
عليكــم ورحمـة الله وبركاتــه ،،
من المعروف إن فيه حجات بتتغير كتير وقت الإمتحانات وما قبل
الإمتحانات
مثلا
الحيطة اللي قدام المكتب بتاع المذاكرة لوحة فنية تستحق مننا
التأمل
الواحد بيجوع كتير وبيتفنن ف إنه يجهز الأكل ف أطول وقت ممكن
الواحد برضه بيقوي إيمانه بيهتم بأخبار المسلمين قوي حتى ما بيفوتش
نشرة
بس ف الأخر بيضطر يبص ف الكتاب ويذاكر
أنا شخصيا جدول إمتحاناتي كالأتي يبدأ يوم 6 / 6 وأنتهي
يوم 15 / 7
ومحدش يسأل ليه
بقالي بتاع أسبوع نفسي أدخل ف المود بتاع المذاكرة وفعلا مش عارف
حاولت محاولات كتير بدءاً بزيادة جرعات القهوة والشاي السادة
إنتهاءا بعمل جدول مذاكرة
كل دة فشل !!
قدرا كدة من أقل من ساعة سمعت نشيد كنت بأحب اسمعه
زمان ... أول ما سمعته بجد حسيت بقا إن لازم الواحد يشد حيله ف المذاكرة
شوية وفعلا بدأت المذاكرة ووفقني ربنا إني أخلص شابتر كيمستري كاملا
مكملا
...
ووالله حسيت كدة إن لازم الواحد يحب المذاكرة طالما بتزوده معلومات
.... الواحد إيه غير شوية معلومات ؟
بجد والله ..... لا قيمة للإنسان بلا علم يميزه : )
إيه يعني واحد غني ومعاه فلوس إيه يعني واحد أمور وعسلية إيه
يعني واحد قوي
لكن واحد عنده علم ...... تفـــــرق ..... واحد
عالم في مجاله كدة ... له سمت خاص بيه ....
الحمد لله الذي علمنا ما لم نكن نعلم : ) ..... اللهم
حبب إلينا علما ينفعنا : )
اللهم ءاامين يااارب
مما أعجبنى