يــوميــات سامــي ومحــاسن

ومعانا هنا وبس حلقات جديد من يوميات سامى ومحاسن

يوميات مضحه ولذيذه معانا هنا وبس وسمعونى احلى ردود

عشان نننننننننننننننننننننننننننننننننننننننزل بالحلقه الاولى

شكلها دمار كالعادة انزل بشابتر وان

ايه شابتر دا يا وائل
ما علينا
اخلص يا حبيبى انزل بقصصك الى بتسحل دى

حبيبى قلبى يافنان
فرجنى يالا ياعم الحج
فى انتظارك

يلا بينا مع اجمل يوميات مضحكة من القلب تعالو نضحك

(الحلقة الاولى)

الام:لووووووووووى لووووووووووووى

الاب:ايه يا جملات بتزغرطى كده ليه؟

الام:اسكت يا حج محــاسن جالها عريس يا اخويا

(الاب وعنيه مبرأة ومذهول) محــاسن بنتنا يا ولية ولا انا بيتهيألى يا اما أنتا كريم يارب أخيرا هتتفك عقدتها

الام:وطى صوتك يا متولى البت تسمع تتقهر يا أخويا احنا ما صدقنا

الاب:طيب طيب خلاص بس تعالى احكيلى مين اللى امه داعية عليه ده

(الام وهى فى منتهى الانشراح) ده الواد سامي ابن الست بهية فى الشارع اللى ورانا يوه ما انتا عارفهم يا راجل كان ابوه بتاع مراجيح

الاب:ها كملى.... اولها مراجيح ربنا يستر

الام:هو عمره ما شاف محـــاسن بس سمع عن ادبها وجمالها اصله كان مسافر الخليج يا اخويا

الاب:أدبها طب قولى حاجة غير كده يا ولية ما انتى عارفة بنتك لسانها طول نفق شبرا

الام:يوه بقى يا متولى سيبنى اكمل يا راجل وما تبوظش فرحتى

الاب:يعنى بيشتغل ايه حيلة امه ؟

الام:بسم الله ماشاء الله ميكانيكى اد الدنيا

الاب:يلا لو زبال حتى انا عاوز اجوزها قبل ما أتشل وتجيلى جلطة من عمايلها السودا

الام:بعد الشر عليك يا ابو محـــاسن....وتعيش وتشوف ولاد ولادها

الاب:لالالالا هى بس تتجوز ومش عاوز اشوف اى حاجة من ريحتها ده انا جالى الضغط والسكر منها يا جملات

الام:ههههه تتك أيه يا متولى ضحكتنى ده انتا بتموت فيها يا راجل مش بنتك الكبيرة

الاب:امال ايه ....بس ربنا يهديها وتتم الجوازة على خير

(صوت تكسير وصريخ ابنهم الصغير حناطة خارج بيجرى من اوضته )

حناطة:أاااااااااااااه الحقونى يالهووووووووووى

(ويستخبى حناطة ورا كرسى أبوه .....بينما تخرج الليدى محــاسن بتجرى وراه وهى بنت شرسة رغم ملامحها التى تبدو الى حد كبير مقبولة ولكنها غير منظمة فى مظهرها وعنيفة وصوتها عالى باستمرار)

محــاسن:وحياة أمك وأبوك اللى رايح تستخبى وراه ده لقطعك ياخرتيت انتا.....مااااااااااشى اما كهربتك يا حناطة وانتا نايم وتموت مفحم ما أبقاش أنا محــاسن

(الاب بمنتهى الهدوء والرعب طبعا من منظر بنته وفلذة كبده محــاسن) ايه يا سوسو صلى على النبى فى قلبك كده يا بنتى فى ايه بس؟

محــاسن:اسكت انتا دلوقتى يا عم الحج سيبنى منى له

الاب:عم الحج!؟ يا بت احترمينى الله يحرقك ده انا ابوكى

كان يوم اسود يوم ما أمك قالتلى انها حامل فيكى
الام:اة يا اخويا حتى يومها المرحومة أمك ربنا افتكرها اهى البت طلعت لها

محــاسن:يا عينى عليكى يا سوسو كلهم عليكى الهى اشوف فيكو يوم

الاب:يلا يا حناطة على اوضتك ماتخفش ....(ويلتفت الاب لمحــاسن) وانتى يا أم طويلة أترزعى جمبى هنا عايزك

(محــاسن تقعد على الكرسى فى انكسار وهزيمة بعد ما حناطة فلت من تحت سنانها) افندم يا بابا
الاب:ايه الادب ده كله .....الله الله

الام:خلاص بقى يا متولى يلا فرحها بالخبر (وتطبطب على محــاسن وعلى وشها ابتسامة عريضة)

الاب:احممممم بصى يا محــاسن يابنتى خالتك حسنية جايبة لك عريس لوقطة وهيجوا يشوفوكى الخميس الجاى

الام:لووووووى مبروك يا نور عينى عقبال الفرح يارب(وتبوس محــاسن التى جلست فاتحة بؤها ومذبهلة من خبر زيارة عريس الغفلة)

الاب:هو اسمه سامي وبيشتغل ميكانيكى محترم .......ها ايه رأيك .؟

محاسن:ايييييييييييه ميكانيكى يعنى ايده سودا وريحته بنزين 80....مستحيل اتجوزه مش عايزاه

الاب:هتشوفيه غصبن عن عين ابوكى .....هو ده اللى عندى واعملى حسابك على الخميس اللى جاى

(محــاسن وعنيها بتطق شرار وتحدى) بقى كده ماشى

انتا اللى جبته لنفسك يا سي ســامي ..........

لسة الخطوبة وربنا معاك يا سمسم
اتمنى تعجبكم يا جماعة
والكل معزوم فى الخطوبة
والحاضر يعلن الغايب
خطوبة محـــــــــاسن قريبا

انتظرونى الحلقة الجاية .....................................

هههههههههههههههههههههههههههههههههههههههههههههههههههههههههههههههههههههههههههههههه
ياراااااااااااااااااااااااااااجل هو فيه كدا
كمل يخرب بيتك كمل

ههههههههههههههههههههههههههههههههههههههههههههههههه
جامدة
كمل

ههههههههههههههههههههههههههههه
كمل ياجميل ياوائل

الحــــــــــــــــــلقة التـــــــــــــــانــــــــــــية

طبعا اختنا محاسن قررت تتطفش العريس بس لما جه سامي هو وامه .............. تعالو نشوف عملوا ايه

(من يوم ما الست ام محاسن عرفت بمعاد الخطوبة والبيت بقى فى حالة طوارىء خبط ورزع وتنفيض ويوم الخميس البيت بقى ولا بيت المحافظ وجاهز لاستقبال الفارس الهمام سامي )

اوضة محاسن.......لوووووووووووى لووووووووى وبنات العيلة بيغنوا ماتزوقينى ياماما قوام ياماما ده أبو السماسم بره وجايب الشكمان ياماما

محاسن (اوووووووف عيال رخمة ربنا ياخدهم )وعشرة واقفين يزوقوا فيها وهى ضربة الوش الخشب ومش طايقة دبان وشها

فى نفس الوقت كان سامي والست والدته طالعين على السلم وماسك ايد والدته الست بهية
الست بهية:بشويش يا بنى مفاصلى بتنقح عليا

سامي:يلا بقى يا أما عاوز اشوف لواحظ
(كان الاستاذ برعى جار والد لواحظ نازل بالصدفة وبص لسامي بحسرة وقالهان لله وانا اليه راجعون مبروك يا عريس ربنا يتولاك برحمته يا بنى

الست بهية:وشوشت سمسم وقالتله سيبك منه ده شكله مجنون الراجل ده شوف شعره منكوش ازاى ومتعور

سامي :الراجل ده خضنى هو يقصد ايه

الست بهية :كل خير يا ضنايا ماتخفش

سامي ظبط القميص ورفع البنطلون ومسك علبة الجاتوه اللوكس اللى جايبها معاه وضرب جرس الباب (غلطة عمرك يا سمسم)

الست بهية:تبصله وتضحك اسم الله عليك يا حبيبى شبه المرحوم ابوك الخالق الناطق فينك يا شلبى تشوف ابنك وهو بيخطب

(الام تفتح الباب وفرحانة على الاخر)اهلا اهلا اتفضلوا

الاب:اهلا وسهلا اتفضلوا ويسلم على عبده ويدخلهم الصالون

(الام دخلت عند محــاسن الاوضة)يلا يا حبيبتى عريسك وصل هاتى العصير وتعالى بشويش وافردى بوزك شوية

محاسن :الهى كان وقع من على السلم هو وامه وجالهم ارتجاج وريحونا بقى

الام:عيب يا بت ده الواد فلقة قمر يا خيبة وطول بعرض وشنبه يقف عليه الصقر

محاسن :صقر لما يخرم نفوخه وكمان بشنب يادى القرف عاملى فيها الملك فاروق

الام:يلا بطلى طولة لسان وشهلى اخرجى بطل ما ابوكى يتنقط منك كفاية اللى طفشتيهم قبل كده بعاميلك السودا

(ام محاسن تسبقها على الصالون وترحب بالضيوف )
الام:اهلا اهلا منورة يا ست بهية

ست بهية:بنورك يا ام محاسن

(سامي مكسوف وعامل عريس ووشه جايب الوان الطيف)

الاب (هو الواد ده اخرس ولا ايه)وقام رزعه بايده على كتفه منور يا اسطى سامي

سامي:الله يخليك يا عمى

الاب : الواد مؤدب واخلاق والله خسارة فى المدفع الرشاش اللى هيهل علينا دلوقتى)( هههههههههههههه عسل الراجل ده )

ست بهية:أمال فين ست العرايس؟

الام:جاية حالا يا حبيبتى(يا محاسن تعالى سلمى على الضيوف)

(تدخل محاسن وماسكة صينية العصير وعاملة فيها نسمة وسى سامي رافع نص عينه وبيبص على فتاة احلامه اللى هتقلبهاله كوابيس باذن الله)

محاسن :سلام عليكم (وقعدت من غير ما تقدم العصير
وامها قاعدة تبصلها عشان تتحرك وتقدمه ولا حياة لمن تنادى)

الست يا عينى قامت وقدمته ودارت الموقف بس كان هاين عليها تقعد على محاسن تبططها من كتر غيظها وهى موصياها تقدم لحماتها الاول وبعدين العريس

الاب:سلمى على خالتك ام سامي يا سوسو
محــاسن ( الهى يسلم عليها قطر هى والمحروس ابنها واخلص منهم) أزيك يا طنط وبتضحك ضحكة صفرا طبعا

ست بهية:الله يسلمك يا مرات ابنى يا غالية
ايه رأيك فى عروستك يا سمسم

سامي ماصدق طبعا وبص لمحاسن وهى مودية وشها الناحية التانية ومش طيقة تبصله وقال : ماشاء الله يا امى

محاسن ( الله ياخدك انتا وامك يا شيخ)

ست بهية: ها يا حج متولى طلباتك انتو تأمروا

الاب:الامر لله يا ست بهية احنا بنشترى راجل

(الاستاذ متولى والست بهية و سامي مركزين فى تفاصيل الجواز (محاسن قاعدة مخنوقة وحالفة تطفشهم)

محاسن بصت لسامي لاول مرة من اول القاعدة (ايه ده يخرب بيت سنينك ده طلع قمر )
ونزلت عينها وبعد تفكير عميق قررت تدى سامي فرصة أما لاقته امور كده

الاب:ها يا محاسن ايه رأيك يابنتى نقرا الفتحة(وهو حاطط ايده على قلبه خايف تعمل اى مصيبة زى عوايدها)

محاسن :اللى تشوفه يا بابا (يلا مع ان شنبه بيفكرنى بهولاكو زعيم التتار)

ست بهية:مبروك يا ولاد وقروا الفاتحة
(لوووووووووى لوووووووووى)وام سامي قعدت تعيط

ست بهية:اهىءاهىءاهىءاهىء فينك يا ابو سامي تفرح معانا

محاسن ( الولية النكد دى مش هتنفع معايا)اجيبلها سى السيد بتاعها ده منين دلوقتى

سامي :روقى بقى يا حجة زمانه حاسس بينا دلوقتى

محاسن : زمانه مرتاح من امك النكدية دى والله)
(معلش يا جماعة اصل محاسن مش نكدية خااااااااااااااااالص وهتشوفوا بعدين )

الاب:يلا بقى يا جماعة الغدا جاهز وخلونا نفرح بقى بخطوبة الولاد

(وبعد الغدا مشى سامي ووالدته وهو فى منتهى الانشكاح ما هو مش عارف اللى هيجراله ولو عرف هيتمنى يروح هو لابوه شلبى بتاع المراجيح)

(اوعوا تنسوا انتو معزومين على الشبكة وربنا يهنى محاسن بأبو السماسم)

انتظرونى الحلقة الجاية دى هاتعمل عمايل ههههههههههههههههههههههههههههه اراكم على خير ....................

ههههههههههههههههههههههههههههههههههههههههههه
الدوام لله يابنى ياسامى
هههههههههههههههههههههههههههه
كمل يا وائل نااااااااااااااايس

جمييييييييييييييله ياوائل
استمر يابني استمر

هههههههههههههههههههههههههههههه
حلو اوي كمل

الحلقة الثالثة

(طبعا عارفين ان الحسناء محاسن على وش شبكة وعاملة عروسة بقى )

اوضة محاسن........النور مطفى وعبد الحليم بيغنى جانا الهوا جانا و محاسن قاعدة هيمانة وماسكة الموبيل يمكن عريس الغفلة يتصل بس ده برضه مايهزش فى لواحظ الجبارة شعرة

محاسن :مااااااااااماااااااااا

الام:ايه يا بت رعبتينى ربنا ينتقم منك

محاسن :هو زعيم التتار مش ناوى يلبس دبل ويشبكنى رسمى بقى ولا هيفضل داخل خارج علينا كده زى الدبانة

الام:هههههههههه يقطعك يا موكوسة اوام هتموتى على الواد مش ده اللى كان كوخة وريحته زيت قلية

محاسن :لالالالا انتى دماغك راحت فين يا ام محاسن انا بس عاوزة ارتاح منكم مش حبا فى المنيل سامي ده

(بتحاول تدارى مشاعرها ناحيته احسن تبان ضعيفة ولا حاجة اصلها مفترية شوية )

الام:خلاص اهمدى بقى هو اتفق مع ابوكى يلبسك الشبكة يوم الجمعة الجاية على الضيق كده

محاسن :يومه اسود زى كف ايده سى سامي المزحلق بتاع بنزين ورا يا اسطى

بقى انا اتشبك على الضيق وكمان من غير ما اختار شبكتى......عن اذنك يا ماما انا هتصرف

الام:ربنا يستر عليك يا بنى وتطلع سليم من تحت ايدها

تررررن تررررررررن
(محاسن ضحت برصيد الموبيل وطلبته )

(سامي يفتح عليها) أفتح الكابوت يا ابن المتضايقة وشوف الزبون وريحه

محاسن : نعم يا اخويا
سامي :الوووو لا يا شكمان قلبى مش انتا يا جميل

محاسن :احترم نفسك يا موتور احلامى
سامي :ههههههههه والله عسل يا سوسو

محاسن :طب سيب عشة الفراخ اللى انتا فيها دى وركز معايا بقى عشان ما اقلبهاش عليك

سامي :خير يا محاسن انا زعلتك فى حاجة؟
محاسن :هو انتا تقدر يا سبعى

بص بقى يا أما انزل انا وانتا نختار الشبكة وبلاش حماتى تديك فى حقن تحت الجلد يا أما تنسانى يا سمسم للابد اهىء اهىء اهىء اهىء انا اعصابى تعبانة ومحدش حاسس (محاسن بتعيط)

سامي :طيب وحياتى عندك لو كان ليا عندك خاطر...... ما تعيطيش يا سونة قلبى

محاسن : هو عامل فيها انغام ولا ايه بس كويس البصلة جابت نتيجة ) المهم يا سمسم قلت ايه؟( خلصنى بقى صحيح رغاى زى امك بهية المستخبية)

سامي :لالالا انا هشوف الموضوع ده مهما كان ده حقك ودى شبكتك برضه وهنجيبها سوا يا سنسن ولا تزعل يا جميل

محاسن :طب يا سيمو انا هسيبك بقى عشان اتخنقت وما تنساش تشحنلى الموبيل مش هصرف عليك من اولها

سامي :من عنيا الجوز وايدى اللوز.......يا محلول جلوكوز

محاسن يخرب بيت ملافظك) تسلم ايدك يا سمسم وما تنساش تغسلها قبل ما تاكل بدل ما تتسمم من الهباب بتاع العربيات ومالحش اجيب حتى دبلة خشب وابقى ارملة

سامي :ههههه سكر والله يلا خلى بالك من نفسك سلام

محاسن (تقفل السكة معاه)وتروح تفرح والدتها وتقولها اعملى حسابك هنروح نشترى الشبكة بكرة

الام:اروبة زى اللى خلفك ياعينى عليك يا سامي انتي لو مش بنتى كنت قلتله اصرف نظر يابنى وشوفلك واحدة تانية

(اشتروا الشبكة و محاسن لبستها الحمد لله واليوم عدى على خير من غير اى خساير ومحاسن كانت زى الحمل الوديع ما هى العروسة بقى وبذكائها اشترت كل اللى نفسها فيه بالرغم من ان ام سامي كانت هتتشل من كتر المصاريف اللى صرفتها وحطت محاسن فى دماغها خلاص)

سامي :احمممم عمى بمناسبة اليوم اللى زى القشطة ده لو ممكن يعنى اخد محاسن اعشيها بعد اذنك

(الاب وهو مجعوص اوى وفارد نفسه على الكرسى وعامل ديك رومى )والله يا سمسم يا بنى انا معنديش بنات تخرج مع واحد غريب ....هو ده اللى عندى

الام: يوه يا متولى ماهى بقت خطيبته يا حج
محاسن عليا النعمة ان ما رضيت يا متولى هشغل السخان عليك مية بتغلى وانتا فى الحمام )وتبتسم لابوها ابتسامة صفرا وهاين عليها تديله بالبوكس

سامي ينظر لحناطة اخو محاسن وهو قاعد زى برميل الطرشى وهاجم على علبة الشيكولاتا وقضى عليها ) ايه رايك يا عم متولى ناخد الامور حناطة معانا واهو يتعشى معانا انا شايفه خاسس كده وما بياكلش

حناطة:هييييه هتعشى .......خلينى اخرج مع ابيه سامي يا بابا

الام:خلاص بقى يا متولى ورحمة المرحومة امك ما تكسف سمسم

(واتنهد ابو محاسن وسكت شوية)

سامي مااااااشى يا متولى بيه ورحمة امك بكرة اتجوزها واخليك تشوفها مرة فى العيد الصغير ومرة فى العيد الكبير))

(الاب بكل تناكة)هاااااااااا طيب عشان خاطر حناطة ما يزعلش واكسر بخاطره روحوا اتعشوا بس ماتتأخروش

محاسن :تبتسم اوى وتبص لسامي وهى فى منتهى السعادة (اظاهر انها حبيته بحق وحقيقى

)
.............المهم سامي واقف على باب الشقة هو و محاسن وامها مستنين اللورد حناطة عقبال ما يتشيك ويمسح لحوسة الشيكولاتا اللى مغطية وشه المنتفخ من كتر الحشر عمال على بطال

الاب بشويش وماسك ودن حناطة)افهم يا جذمة يا ابو مخ عجالى انتا تمشى فى وسطهم وما تسبش ايد اختك واوعى الواد سامي يمشى جمبها لو فكر يمسك ايدها عضه واجرى كأنك بتلغ حتة لحمة وعايزك تغتت وترزل عليه عشان يحرم يقول اخرجها تانى ........يلا غور من وشى تتك نيلة وانتا شبه امك

حناطةمتنح ومبلم ومدلدل رقبته وبيسمع الوصايا العشر من ابوه) ما تقلقش يا بابا انتا ما خلفتش الا حناطة اعتبر نفسك باعت اسد معاهم........بس انا اخاف محاسن تضربنى؟

الاب : امشى بس يلا بسرعة وما تخفش هى عاملة فيها فاتن حمامة النهاردة ومش هتضربك قدام

المحروس (
سامي و محاسن وحناطة نزلوا من البيت واتمشوا على الكورنيش شوية وحناطة عامل زى حرس الحدود وسامي هاين عليه يربطه فى ماسورة ويحدفه فى النيل هههههههههه)

سامي :ها مبسوطة يا محاسن ؟

محاسن :تبص لحناطة وتقول لسامي اة اوى هتطق من الانبساط يا سمسم

سامي :المهم اننا مع بعض يا لوزة قلبى
محاسن لوزة قلبك!ده دلع ده ........طيب تسلملى يا زعيم التتار)

صحيح يا سمسم ما فكرتش تحلق المقشة اللى سدة مناخيرك دى قبل كده.......ده حتى غلط على التنفس لاحسن تموت فطصان ولا حاجة

سامي :لالالالالالالالا عمرى ده انا اموت بحسرتى (ويبصلها ويبتسم فى حين ان الاخ حناطة ملهى فى كيس الفيشار اللى جابهوله سمسم عشان يرتاح من رزالته) ده شياكة يا سونتي عشان ابقى شبه اللى اسمه يحيى ده يا لموسة قلبى

محاسن :اتلم يا سمسم بدل ما اخد حناطة واروح وخليك بقى حب فى شنبك يا بتاع لميس انتا
سامي :ورحمة ابويا ورحمة ابويا كمان مرة انتا بتغير عليا يا جميل

محاسن لاقت ان الموضوع هيقلب رومانسية وهى طبعا بميت راجل ....اسد يعنى) كشرت وقالتله :هتعشينا ولا اخد الواد وامشى واخليك تجرى ورايا والناس تتلم واقولهم بيعاكسى
وتاكل علقة تنسيك اسم المرحوم ابوك

سامي بمنتهى الاذبهلال)ايه يا محاسن قلبتيها اخبار حوادث ليه كده .......يلا ياستى نتعشى انا مش مستغنى عن عمرى
محاسن رجالة ما تجيش الا بالسك)

(وسامي اختار مطعم شيك اخر حاجة عشان خاطر عيون الساحرة محاسن متولى ودخلوا المطعم والغلبان سامي بيرسم فى خياله اول عشا رومانسى زى ما بيشوف فى الافلام)

لكن ما خفى كان أعظم وربنا يعينك على ما بلاك يا سيمو
استنونى المرة الجاية ههههههههههههههههههههه

هههههههههههههههههههههههههههههههههههههههههههههههههه
شكلها ليلة فـــــــــــــــل
كمل

الحلــــــــــــــقة الرابـــــــــــــــــــــــعة

(طبعا الجنرال سامي داخل من باب المطعم نافش ريشه ولا حسين فهمى فى فيلم موعد على العشاء )
قعدوا واختار لمحاسن ست الحسن والجمال تربيزة على النيل وفى جو شاعرى ومزيكا عمر خيرت شغالة وهو هيمان وعايش الدور على الاخر

محاسن :ايه القرف اللى مشغلينه ده مش يدوروا اغنية لسعد الصغير ولا بعرور الواحد دماغه وجعته من دق المزيكا دى

(سامي صحيح جاهلة )ههههههه لا يا سوسو ده جو رومانسى للمخطوبين احنا مش فى فرح ابن خالتك فى الحارة بلاش فضايح

محاسن :هههههه(اللى يشوفه كده يقول عازف فى الاوركسترا ماشفش نفسه وهو مرمى تحت العربيات ابن بهية)

حناطة:ابيه ابيه ........عاوز اعمل بيبى مزنوق

(سامي الهى يسد نفسك انتا واختك يا بعيد)ايه يا حبيبى حبكت دلوقتى؟

حناطة:اة بقى حبكت ولا اخدها ونروح واقول لابويا

(سامي رزل زى بقية العيلة مش ابوك متولى

)
ويضحك بغيظ وقام شد حناطة من قفاه واخده التواليت

محاسن :معلش تعبناك يا سمسم.....قوله شكرا يا حناطة

حناطة:واقوله ليه هو الحمام بتاعه ولا ايه؟

سامي:ولا يهمك يا سونه حناطة ده سكررررررر(ربنا ياخده )ههههههههه

وجه الاخ الجرسون اللى ما يختلفش كتير عن الحيطة الا انه بيتحرك :تطلب ايه يا فندم اتفضل المينو ؟

سامي :لالالالا ايه الكراريس دى احنا هنذاكر ولا ايه.........تحبى تأكلى ايه يا حبيبتى؟

محاسن :اممممممم انا مش هتقل اصلى عاملة ديت

بص انا ممكن اخد نص فرخة وجوزين حمام وطبق محشى مشكل واوعى تنسى الفلفل وجمبرى ولو فى مكرونة باللحمة ما يضرش

سامي :وهو فاتح بؤه ومذبهل على الاخر انتى مش شايفة انه قليل يا محاسن ده انتى حتى ما طلبتيش حاجة

محاسن :الله بقى يا عبده مش بقولك عاملة ديت اخاف اتخن كده كفاية اوى

(سامي ده انتى هتنفجرى امال فى البيت بتاكلى ازاى!!!!)لالالالالا ما يصحش يا حبيبتى

محاسن :شوف بقى حناطة هيطلب ايه

سامي :حط ايه على خده وبصل للى ما يتسمى حناطة.........ها تطفح ايه يا حبيبى؟

حناطة:ماشى انا هسامحك عشان انتا هتبقى جوز اختى وهتعشينا بس

سامي : (لا كلك ذوق انتا واختك) .......اخلص ما تخنقنيش هتطفح ايه فى ليلتك

محاسن :ايه يا عبده براحة على الواد يتخض .......الله

سامي قرب من محاسن ووطى رأسه : بذمتك دى اشكال تتخض ده انا خايف يهجم عليا بدل الاكل

سامي :خلص يا بنى هتاكل ايه فى ليلتك السودا ؟

(حناطة بيطلع لسانه لغاية ما الامعاء الغليظة بانت من كتر ما هو فاتح بؤه)هاكل زى محاسن وماتنساش الحاجة الساقعة والايس كريم

سامي (الهى اشوف فيك يوم انتا واختك قادر يا كريم)حاضر عنيا هو انا عندى اعز منكم

سامي فى موقف لايحسد عليه يا عينى عليك يا سمسم هاين عليه يعيط

هو اكتفى بالسلطات و محاسن واخوها المفتريين نازلين حشر ........وبيبص لحناطة و محاسن بغيظ :يارب يجيلك اسهال واشوفك مرمى فى الحميات 6 شهور ......وانتى يا محاسن اما اكلتك طعمية سنتين ما ابقاش انا سامي
حسبى الله ونعم الوكيل

سامي :مطرح ما يسرى يهرى يا حبيبتى

محاسن :نعم نعم يا سى سامي

سامي :لالالالالالا ذلة لسان ده انا بهزر يا روحى بألف هنا على قلبك يا سوسو (كان يوم مهبب يوم ما فكرت اعزمك يا بنت العالم المفترية

)
محاسن :اه اتعدل كده بحسب

وجه الجرسون وجت اللحظة الحاسمة:الحساب يا افندم

سامي :كام لو سمحت(استر عليا ربنا يسترك )؟

الجرسون:999جنيه و85 قرش

سامي : (اهي طبلت يا معلم) احممممم متأكد حضرتك من الحساب

الجرسون :ايوة يا بيه

سامي :طب ما ينفعش 400 جنيه دلوقتى الهى ربنا ما يحكم عليك باللى انا فيه

الجرسون:ايه يا اخويا انتا فى اوكازيون ولا فاكره محل ابوك هنا
خلصنى وهات الحساب

سامي :خد هما دول اللى معايا وهجيبلك الباقى بكرة وخد رقم الموبيل

الجرسون:اه ه ه ه ه انتا بقى منهم يا حبيبى

انتا شكلك مش عاجبنى من الصبح انتا واللى معاك دول

واخد سامي يا عين امه من قفاه وطبعا كلنا عارفين انه هيظبطه فى المطبخ

محاسن :انتا يا درفة الباب انتا سيب خطيبى بدل ما اوريك

الجرسون:اسكتى انتي خالص وخدى البقرة اللى معاكى دى وامشى واحنا هنتصرف مع الحلو بتاعك

محاسن :بقولك سيبه احسنلك

والجرسون غلط غلطة عمره وشتم محاسن وزقها فى كتفها وضرب حناطة

محاسن قامت مشمرة وكعبلته وحناطة قعد على بطنه ونزلت فيه ضرب بكعب الجزمة الجديدة بتاعة الخطوبة والراجل يا حول الله نسى اسمه وراح فى غيبوبة

وجه المدير وكل الناس اتلمت وطلبوا الشرطة

واتشد سامي وحناطة و محااااااااااااااااااااااا سن فى البوكس الفور باى فور وفى طريقهم للتخشيبة

محاسن : ولا يهمك يا سمسم ربنا هينصرنا على اعداءنا باذن الله

سامي : اسكتى بقى طهقتينى يا شيخة هو احنا طالعين حرب ده احنا رايحين نتروق وانا اللى هاخد البهاريز يا خسارتك يا سمسم هتتشوه
ومش هلحق افرح بالخطوبة المنيلة دي

محاسن : (ولاهاممها الموقف) اخص عليك انا مخصماك يا عبده

سامي:يااااااااااااريت على طول مخصمانى
مش انتى السبب فى المصيبة دى انتى وبرميل الطرشى ده

ايه اللى هيجرى لك يا سمسم ولسة عاوز محاسن ولا صرفت نظر

ادعوله يا ناااااااااااااااااس

ههههههههههههههههههههههههههههههههههههههههههههههههههههه
ربنا معاة
وربنا يهديهااع يرتاح هو

يهديكى يا محااااااسن يالى ف بالى

ههههههههههههههههههههههههههههههههههههههههههههههههههههه

الحلــــــــــــــــقة الخامـــــــــــــسة

(طبعا محاسن وسامي والاخ حناطة اتزقلوا فى البوكس بمنتهى الرقة زى الفراخ........وفى الطريق لقسم الشرطة سمسم قاعد منكسر ورأسه فى الارض ما هو عارف اللى هيجراله وقدامه محاسن وحناطة وجمبه الباش شويش عبد الله)
محاسن :روق بقى يا سمسم ولا يهمك انا معاك ......لو سمحت يا شاويش ممكن اتصل ببابا على الموبيل عشان يجيب اكبر محاميين فى البلد ل سمسم ويحصلنا على القسم(طبعا بابتسامة بريئة
)
الشويش:ممكن طبعا يا مدمازيل بس طوالى احسن حسام باشا يزعق

سامي:بقى ابوكى متولى هيجيب اكبر محاميين فى البلد ان ما جه وجاب معاه صبى محامى ما ابقاش انا سامي

حناطة:ماتتريقش على ابويا مش كفاية قتال قتلة ومستحملينك

محاسن :عيب يا حناطة ابيه سمسم متوتر واعصابه بايظة دلوقتى.......وقامت طلبت ابوها على الموبيل :ايوة يابابا تعالى بسرعة احنا فى القسم وهات محامى معاك سامي ممكن ياخد اعدام هنحاول نخليه اشغال شاقة مؤبدة ربنا يستر وراحت قفلت السكة ع طول

سامي:منك لله يا بعيدة جبتيلى نصيبة وانا قاعد اعدام ايه ربنا ينتقملى منك يا شيخة

محاسن :ايوة يا حبيبى افرض الراجل الجرسون مات لقدر الله من الضربة مش انتا هتروح فى داهية برضه

سامي:واروح انا ليه ما تروحيش انتى ليه مش انتى اللى كسرتى دماغه بالجذمة بتاعتك

محاسن :ايوووووة عليك نور يا حبيبى بالجذمة ومين جاب الجذمة دى مش انتا ياكوتو موتو يبقى انتا اللى قتلته يا سمسومي وخلى بالك انا هاشهد بكده فى القضية الحق حق ما تزعلش منى .......(تبصله بحنية وكأنها هتعيط بس اما تتشنق هتوحشنى يا سمسم مالحقتش افرح بيك واسعدك
)
حناطة:هخههخهخهخهخهخ.....ويعلقوه فى المشنقة زى الفرخة الدايخة ويبقى سامي ابو رجل مدلدلة(واترمى حناطة فى ارضية البوكس من كتر الضحك
)
سامي وعنيه بتطق شرار .......ورحمة ابويا ان ما سكت انتا واختك هقتلكوا بجد ويبقى اعدام بحق وحقيقى يا ولاد متولى
)
الشويش : اكتم يا متهم منك لها له احسن اعرفكوا شغلكم

محاسن :يرضيك يا شويش ابقى متشعتفة عليه وهعيط وشايلة هم جنازته اللى كمان كام يوم وهو بيتريق على بابى؟

سامي :نعم يا اختى بابى!!!!!انتى مفكرة ابوكى وزير النقل ده كمسرى قطر درجة تالتة

محاسن :احترم نفسك.... الله يرحمك يا عم شلبى يابتاع المراجيح اخخخخخخخ

سامي :اتلمى يا محاسن فى ليلتك

محاسن وتتنهد بشويش)طيب هتلم هنفذلك اخر طلب ليك فى حياتك قبل الاعدام يا بيبى هههههههههه

حناطة:هاهاهاهاها....... احسن اهو اتعشينا ببلاش وخلصنا منه فى نفس اليوم

سامي نيم حناطة على الارض ومسك ايده وعضه وحناطة يصووووووووت )انا هقتلك يادرفيل انتا واخلص الدنيا من اذاك

الشويش:بسسسسسسسس يلا اتجروا انزلوا وصلنا وما اسمعش حس حد فيكم جوه الا لما حسام باشا يسأله

(دخلوا جوه فى مكتب الظابط حسام اللى هو نرفوز جدا ومراته دايما منكدة عليه عشته .........محاسن و سامي وحناطة واقفين فى منتهى الادب قدامه

)
الظابط حسام:ها ايه يا سى عبد المتجلى مش عيب عليك وانتا طويل واهبل كده وتعمل اللى عملته فى مطعم محترم

محاسن :اخخخخخ اخيرا لاقيت اللى يقدرك يا سمسم

الظابط : عملت كده ليه يا اخويا؟ انطق

سامي:ما هو اصل يا بيه كنت عازم خطيبتى دى هى والجحش اخوها ده على العشا وطلبوا المحل كله وانا مكنتش عامل حسابى

الظابط:واما انتا مش متهبب عامل حسابك بتتنيل تعزمها ليه من الاول؟

سامي:غلطة عمرى يا باشا ومش هتتكرر ده ان ما سبتهاش اصلا وارتحت من بلاويها

محاسن :هتسيبنى يا سمسم مكنش العشم وانا اللى جاية اشهد معاك قدام النيابة واخفف الحكم

الظابط بزعيق وعصبية)بس يا اختى ولا اروح اجيبلك منديل تعيطى على المحروس بتاعك

سامي احسن .....يارب ياخدها حبس انفرادى 48 ساعة))

(وصل الاستاذ متولى والست بهية ام سامي وام محاسن.......ومن الخضة يا عينى جايين يجروا ورا بعض ولا كأنهم فى الاوليمبيات

)
الست بهية:ياحبيبى يا بنى يالهوووووووووووى هيعدموك يا سمسم

يا نور عينى اهىء اهىء اهىء اهىء(وتعييييط ماهى مفكراه هيتعدم بقى
)
الظابط:ياستى اهدى

الست بهية:سبنى يا اخويا ده الحيلة .........ده انا جبته بعد شوقه ده جالى على كبر(وتحضن سامي وتعييييييييييط
)
الظابط:ياستى افهمى الموضوع الاول

الست بهية:افهم ايه؟ هيشعلقوك فى المشنقة يا ضنايا يالهووووووووووووووووووووى وتعييييييييط

ده يوم ما ولدته ندرت للغلابة فول وعرق سوس وكنت هموت من فرحتى بيه وابوه مرجح عيال الحتة ببلاش اسبوعين

الظابط حسام اتخنق وحط ايده على راسه وسبها تخلص وصلة الرثاء على روح المرحوم سامي)

)
سامي: (بص للظابط وقاله معلش يا باشا ثوانى انا هفهمها واسكتها) بس بقى يا أما فضحتينى قدام الحكومة انا كويس ومش هتعدم ولا حاجة

أم سامي:صحيح يا حبيبى.....أمال اللى تتشك فى لسانها خطيبتك قالت لنا كده ليه

محاسن شدت سمسم من القميص )على فكرة لو كملنا مع بعض امك دى مش هتنفع معايا)

الظابط وكان خلاص مش طايق يسمع صوتهم ورغيهم)ها يا حيلة فهمت الست الوالدة ولا اخرج واجيبلكم اتنين عصير واما جنابك تفضى ابقى اندهلى اكمل تحقيق فى يومك الاسود

سامي:لا يا باشا انتا تؤمر كمل سياتك

الست بهية اللى يضرب فى قلبه ده بيزعق للواد كده ليه)ما براحة يا ابنى ما هو زى اخوك برضه

الظابط:نعم.....اخويا وانا لو ليا اخوات هياكلوا فى مطعم ويضربوا اصحابه ويجروا زى المحروس ابنك

الست بهية:اة وغلاوتك كنا هنقدمله فى كلية الظباط بس هو راح قدم من ورا المرحوم ابوه فى الدبلون ....أل ايه دى رغبتى وده مستقبلى يا بابا

محاسن:ايوة يا حضرة الظابط اصل المرحوم حمايا كان رئيس مراجيح مولد النبى وكان عاوز يشوف سمسم مقدم اول فى مولد السيدة هههههههه

الاستاذ متولى:محاسن عيب كده احترمى الباشا بلاش انا ...انا وامك واخدين على كده

الظابط خلاص طق منهم وعاوز يخرجهم من وشه بأى طريقة والسلام

الظابط:بسسسسسسس اسكتوا بقى

انتا يا سامي احنا هنقفل المحضر ودى والراجل الجرسون طلع ابن حلال وسامح فى حقه لانك صعبت عليه بس لازم تدفع الحساب اللى عليك

وابقى خلى عندك دم وروح زور الراجل اللى مرمى فى المستشفى مكسر من عماليك

سامي:الف الف شكر يا حكومة يعنى اقدر اروح يا باشا؟

الظابط:اة يلا غور فى داهية ونصيحة منى اما خطيبتك تعمل كده فى واحد فكر بس يضربكم

هتعمل معاك ايه اما تتجوزوا يا فالح وان شفت وشك تانى انتا ولا هى هحبسك يا سامي

والشاويش قفل المحضر ودفع سامي باقى الحساب وربنه كرمه عشان هو نيته صافية
) )
وخرجوا كلهم بره على باب القسم واتمشوا لغاية البيت

ام محاسن :يا حبيبتى يابنتى قلبى كان واكلنى عليكى اما سمعت من ابوكى كنت هتجنن

الست بهية:لا يا ام محاسن ما تخفيش يا اختى عليها اهى زى الفل بس كانت هتجيب لابنى نصيبة بعمايلها(وتبص لمحاسن وهاين عليها تدب صوابعها فى عنيها
)
حناطة:بابا بابا هو ابيه سامي مش هيتشنق خلاص؟

الاستاذ متولى:لا يا حناطة ابيه عبده عاوز راحة اسبوعين ونعمله طاسة الخضة

حناطة:يا خسااااااااااارة كان نفسى يتشنق عشان ناكل قرص وبيض على روحه اما يموت

الست بهية:ما تلم ابنك يا سى متولى ...ده الملافظ سعد يا اخويا

الاستاذ متولى:حقك عليا انا يا ست بهية وماتزعلش يا سامي يا بنى من محاسن دى قلبها ابيض بس هى عصبية شوية

الست بهية:عصبية على نفسها يا اخويا مش تموت ابنى اللى حيلتى

محاسن خلاص يا بهية جبتيه لنفسك اصبرى بس عليا اما يتقفل علينا باب واحد وانتى تعرفى مين محاسن متولى
)

سامي بكل ادب وذوق)ولا يهمك يا عم متولى انتو اللى حقكم على رأسى ودى غلطتى ماعملتش حسابى على العزومة
حناطةاقرع ونزهى اخخخخخخ.... بصوت واطى طبعا لان لو سامي كان سمعه كان من حقه يموته فعلا المرة دى هههههههههههه
)
محاسن واخده جمب وزعلانة من سمسم ومش عاوزة تبص فى وشه.............شوفتوا الافترا أل هى اللى زعلانة
)
سامي بيراضى الاستاذ متولى وبيهدى والدته يعنى بيلطف الجو .......وهو مش ناسى اللى حصل وعاوز ينتقم من لوزة قلبه الغالية
)
يا عم متولى انا دلوقتى واحنا ماشيين فى الشارع اهو بستأذنك نعجل فى الفرح ويبقى الشهر الجاى والحجة موافقة

محاسن :بصتله وبرأت عنيها من المفاجأة وما قدرتش تفتح بؤها بكلمة

ابوها ما صدق لانه لو كان رفض كان ممكن تتفشكل الخطوبة خالص والكل روح البيت وهما مبسوطين

)
الا سمسم اللى قعد يفكر ازاى هينتقم من محاسن ويعلمها الادب بعد ما تبقى حرمه المصون

الفرح جميل جميل اوعوا ما تجوش وتشوفوا محاسن وسمسم فى الكوشة ثم الى قفص الزوجية الحديدى الى الابد

هههههههههههههههههههههههههههههههههههههههههههههههههههههههههههههههههههههه
ربنا يستر
ال يعلمها الادب ال
لما نشوف

الحلقــــــــــــة الاخيــــــــــــرة

مع الليـــــــدى محــــــــــاســـن و المغفــــــــور له ســـــامي

طبعا بعد الى حصل فى القسم تقريبا كل الحب انهار قال يعنى تايتنك سونه وسمسم

انطلقت محاسن وابوها وامها بتدعى عليها فى سرها واول ما راحو على البيت قالت ام محاسن

اه يا موكوسة لما ابوكى معزمنيش حتى على علبة كشرى لما كنا مخطوبين قومى تزنقى الراجل فى محل وتدفعية شئ واشويات

ابو محاسن : اخص عليكى يا حبيبتى قوام نسيتى اكلة الكوارع ههههههه ده كان حتة يوم عند عبده تلوث انتى مش فكراه ولا ايه

ام محاسن : يا اخويا اتلهى مش لما نشوف مقصوفة الرقبة دى ضيعت العريس يا اخويا ايهئ ايهئ ائهئ

ابو محاسن : يا ستى يعنى هو اول واحد بس انا متأكد انه هايجى هو يصالحها دى بنتك دى تمشى بلد اعوذ بالله انا مش عارف جايبة الافترى ده منين

طبعا محاسن ولا هى هنا قاعده قدام التلفزيون بتشوف فيلم الرعب ومندمجة معاه وكيس فشار فى ايدها بترمى فى بقها

ام محاسن : شوف البنت ولا هى هنا يا بنتى مش تشوفى هانعمل ايه احنا مصدقنا ان فى عريس عمر معاكى يومين يا موكوسة هاضيعى الواد من ايدك ده لقطة انا كل ما افتكر ايده والشحم بينزل منها اتقطع والله خسارة فيكى

محاسن بصت لامها وقالتلها اهمدى يا ولية خلينى اركز فى الفيلم بلا سمسم ابو كف اسود وحنين بتاع بنزين ورى يا اسطى بلا بتاع ولا اقولك انا قايمة انام احسن

ابوها نوم العوافى يا حنينة ( فى سرة يا رب ينزل عليها السقف وارتاح من المفترية دى )

راحت محاسن دخلت اوضتها وشغلت شريط حسن الاسمر كتاب حياتى يا عين وقعدت تفكر وفى سرها يخربيتك يا سمسم ده انت شغلتنى بجد اه يا سيمو ارجعك ازاي بس!!!؟ ازاي؟؟

الواد ميتعيبش حتى الاقى مواصلا بدل البهدلة اما اتصل علية واشوف يمكن يحن

وجابت التليفون ورنت رنه وقفلت وقالت انا هاصرف عليه بتاع الجاز ده خليه يرن قعدت شوية مرنش راحت قالت امرى لله اجى على نفسى شوية

ورنت رنة طويلة وفى سرها افتح يا كابوت حياتى

سامي باصص للتليفون وهو بيرن واخده الحنين لعيون سونه وقال والله البنت حلوة بس لسانها ده عاوز قطعه بصاروخ اما اسيبها ترن شوية كفاية العلقة الى رنت عليا فى القسم

وفى لحظة ضعف فتح التليفون

سامي : خير يا سنيوره محاسن فى حاجة تانية نسيتيها

محاسن : بقى كده يا موتور احلامى انت زعلت من الى حصل ده اختبار الحب يا عبيط ولا انت شكمان قلبك مسدود

سامي : لا بس اختبارك ده كان على قفايا جامد يعنى وبعدين انتى بعتينى يا دبرياش قلبى

محاسن بصوت حنين : بقى كده يا سمسم مستخسر فيا شوية فكة

سامي : خلاص يا روحى انا صفيت بعد مكالمتك كفايا عليا انا شبعت منها بس عاوزين نخلص بقى يا سونه ونجوز بسرعة انا هاتفق مع ابوكى الفرح الخميس الجاى

محاسن : قوام كده انا لسه مجهزتش حاجة ولا جبت فستان الفرح يا سمسومي

سامي : الله حلوة سمسومي دى يا لوزة قلبى يا عمرى انا هاشتريه يا موتور احلامى هدية منى بس الفرح الخميس الجاى

محاسن : ماشى يا عبودى الخميس الجاى سلام يا .........................

سامي :قوليها يا لوزة قوليها خلى شكمان قلبى يبرد شوية

محاسن: سلام يا سمسم لما نجوز بس لم امك عنى شوية احسن اوريها ماشى يا سمسم ومتنساش تشحنلى رصيد مش هانقضيها من اولها

سامي : يا سلام من عيونى اللوز وايديا الجوز يا سكر جلوكوز
كفايا حبنا يا لوزة هايرفرف على بيتنا سلام يا لوزة قلبى

طبعا ابو محاسن قاعد بيضرب كف على كف ازاى البنت دى رجعت الواد على وشة كده اما صحيح....... وام محاسن قاعده هايصة فى الفرح وبتبص فى الكوشة ومستنية العروسين

وعيون الفرح فى عنيها اخيرا يا محاسن هاشوفك فى الكوشة انا مش مصدقة يا ابو حناطة انى هاشوف بنتى فى الكوشة

ابو محاسن : الحمد لله هاتغور من على قلبنا وربنا يعينه سى سامي بلا وجع قلب ده يوم ميلادى انهارده يا وليه

ام محاسن : شوف الراجل يعنى انت مش فرحان يا خويا دى بنتنا الحيلة

ابو محاسن : تصدقى البنت دى هاتوحشنى لماضتها بس تلم نفسها شوية الواد كويس ربنا يستر هما اتأخرو كده ليه احسن يكونوا تاهو

ومرة واحده العربيات جت وصوتها على ونزل العروسين سامي ومحاسن

سامي لابس الحتة الزفرة بدلة لونها ابيض واسود مقلم وشاد الكرافته خنقاه واللدى محاسن لابسة فستانها الابيض المنفوش وماشية تشد فى شعرها عاوزه تنزل شوية على عنيها وتقول ل سمسم ايه رأيك فى الفستان يا سيمو

سامي : الله تصدقى يا لوزة قلبى انتى شبة البنت بتاع هوليوود دى نيكول كيدمان فى فيلم استراليا

محاسن : نعم يا حبيبى انت بتعرف عليا حد غيرى من اولها وبصت لعبدة بصة وقالتله هايلمنا البيت يا بتاع الجاز

سمسم (خاف من بطشها ) : واحدة مين بس يا لوزة دى عايشة فى بلاد بره يعنى بعد شبرا والمناطق دى كده مش هنا خالص

محاسن : بحسب يعنى تعرف لو بصيت لحد غيرى يا حياتى هاعمل فيك ايه

سامي بابتسامة : ايه يا موتور قلبى

محاسن : هاقطعك فى اكياس واكلك للبط على السطوح يا عوعو

سامي : يا خرابى يا ولاد انتى بتغيرى عليا يا لوزة انا مكنتش اعرف انك بتحبينى كده

محاسن : حب ايه يا ابو بلدة مقلمة ولم نفسك بقى علشان الكل بيبص علينا

انتهى الفرح على خير والليدى محاسن طبعا مبطلتش رقص طول الفرح هى وسى سامي وجاء وقت الصعود لشقة الزوجية

وصعد العروسان الجميلان.........

وهنا وقف سامي وبص لمحاسن وفتح باب الشقة........

ورايح يخش راحت محاسن شدته من قفاه لورا وقالتله : انت ايه يا سمسم مش فى عروسة هنا شيلنى يا بتاع الجاز ولا اقولك.........

وراحت محاسن ماسكة الغلبان وشايلاه لجوة ورمياه على السرير

وانطفى النور و................................................. .......... خلصت الحكاية

عقبــــــــــــــــــــــــــــــــــالكــــــــــــــــــم جميـــــــــــــــــــــــــــــــــــــعا

هههههههههههههههههههههههههههههههههههههههههههههههههههههههههههههههههههههههههههه
جااااااااااااااااااااااااااااااااااااااااامدة
نهاية سعيدة

ههههههههههههههههههههههههههههههههههههههههههههههههههههههههههههههههههههه
كمل يا وائل نايس

هههههههههههههههههههههههههههههههههههههه
كمل اية بيقول الاخيرة
هههههههههههههههههههههههههههههههههههههههههه

يابنى مش بتقولك الاخير انت اي

نورتوا القصه نورتى محاسن
قصدى ساندى
نورت يا مؤمن
نورتى نوران
وكل اللى كانوا متبعينا