كنت فاكرة انى ذكية

كنت فاكرة أنى ذكية ومبادىء هى اللى هى
طلعت غبية ومش فاهمة حاجة والدنيا هى اللى بتلعب بيا
وقولت لنفسى فوقى شوية وبطلى تمشى مية مية
مبادىء اية اللى ماسكة فيها اصحى يابنتى من الاوهام دية
قولت مبادىء ضحكوا عليا وقالولى داحنا فى الالفية
وكفاية عبط وشغل كلامنجية والتمسك بالعلاقنية
سيبك منها وفكى شوية وانسى عادات وتقاليد مش هى
وعلشان تعيشى فى الدنيا دية خدى منى خلاصة الحدوتة دية
بلاش مبادىء وافكار وخلاص داحنا فى زمن اللعب ياناس
وبلاش حب ووفاء واخلاص مالة الخداع والكدب ياناس
يمشوا معاك ويكونوا حلوين ومن وراك هما اللى مظلومين
وانت الظالم والمفتري علشان عامل فيها محترم اوى
حاضر يازمن همشى زيك خلاص
هخدع واكدب وانافق واتعامل زى كل الناس
وفى اقرب صحراء هدفن مبادىء
دى كانت حاجة كبيرة على فكرى
واحفر فى صخرة وبكل قوتى واكتب عليها اللى اللقاء يامبادىء وخدى معاكى وحدتى

الكلام دة من تاليفى ويارب تعجبكوا

روعة روعة روعة
ليكي مستقبل يا تينا

شعر عروض ده صح ؟

جميييييييييييييييل اوي يا تينا

والله عندك حق
لما المبادئ والقيم والمثل تغيب قول ع الدنيا السلام

ميرسى للمرور فاروق
بس انا ماعرفش اية نوعة الشعر دة اهو اى كلام كتبتة

ميرسى للمرور ساندى

ميرسى للمرور مؤمن بس المبادىء والقيم غابت خلاص مش لسة هتغيب