تسلم الايادى يا حج
ودى بس مجرد اضافه
باب النصر من أبواب
القاهره عاصمة
مصر . ده الباب اللى كانت بتدخل منه جيوش
مصر اللى راجعه بالنصر. عدى فيه سلاطين مصر العظام زى
الظاهر بيبرس و
قلاوون و
الأشرف خليل و
الناصر محمد بن قلاوون بأسرى أعداء مصر. بناه جوهر الصقلى لما بنا سور القاهره و نقله بدر
الجمالى مع باب الفتوح من اماكنهم الأصليه جنب زاوية القاضى لأماكنهم
الحاليه. بيعتبر الباب ده من أهم الأثار الحربيه اللى بقيت فى مصر من
العصور الوسطى. بين البدنتين فيه باب ضخم عالى فوقه فتحه حواليها افريز
بيحيط بالبدنتين و عليه كتابات بتذكر اسم اللى بناه و تاريخ البنا. فوق
الافريز فيه مزاغل و سلم حجرى بيوصل لسطح الباب بتصميم بيعتبر الأول من
نوعه فى تاريخ عمارة العصور الوسطى ، و بيوصل لأبراج و أوض فيها اهم مجموعة
عقود حجريه. على باب النصر منقوش نص طويل فيه اسامى الخليفه المستنصر و
أمير الجيوش أبو النجم بدر.
فى السيره الشعبيه المصريه المعروفه باسم "
سيرة الظاهر بيبرس " دخل بيبرس القاهره أول
مره فى حياته من الباب ده.
