ناس .....وناااااااااااااس

شفت كتير أشكال أجناس
شفت وشوش
شفت رتوش
شفت الناس من بين
الناس

*******
ناس شقيانة
وناس تعبانة
وناس تتعب لو مضغوا لبانة

وناس ظهرها محني من الفاس

*******

ناس من كتر الغلا مكبوتة

مش قادرين يشترو كيلو قوطة
وناس مبسوطة
عايشه حياتها في شرب الكاس

*******

ناس فقرا ومش قادرة تعيش
أكتر كلمة تقولها مفيش
وفي
ناس تاخد ما بتديش
وعشان تدي إيديها تتباس

*******

ناس كرامتها
فوق الكل
رغم الفقر ما ترضاش ذل
وفي ناس واطية زي الفل
تِوْصَل لو حتى
هتنداس

*******

ناس دايماً واقفين طوابير
لقمة عيشها ده هم كبير

وفي ناس رغم إنها طنابير
عمر ما تتعب ولا تحتاس

*******

ناس
تديها ظهرك تإذيك
وناس تتمنى إنها ترضيك
عايشة حياتها كلها ليك
بتكمل
معنى الإخلاص

*******

ناس عايشة في زحمة ودخان
شمس وحر وخنقة
كمان
وفي ناس تانية قليل ما تبان
وبتتشال كده فوق الراس

*******

ناس تلاقيها ساعة الجد
عمر ما تتعب ولا تتهد
وفي
ناس عمر ما ساعدت حد
نفسي وبس – أنا وخلاص

*******

ناس بالرغم
إنها محتاسة
ما بتطلبش عشان حساسة
وناس تندب في عينها رصاصة
ناس منزوع
منها الإحساس

*******

لكن بين الناس والناس
شفت وشوش
شفت
رتوش
شفت الناس كده غير الناس

*******

لكن بين الناس والناس
شفت وشوش
شفت
رتوش
شفت الناس كده غير الناس
نايس توبيك
تقبل مروري

نايس توبيك يا مومن

مشكور لمرورك يا محمد
مشكور لمرورك ساندى
نورتو التوبيك

ناس بالرغم
إنها محتاسة
ما بتطلبش عشان حساسة
وناس تندب في عينها رصاصة
ناس منزوع
منها الإحساس
يا عيني يا مؤمن يا حساس

ايوا يا عم نورت التوبيك
اخبار القاهره ايه
ماهى ناس ليها بخت
وناس ليها حلوى
هههههههههههههههههههههههههههههههه