معلومة عن الأمر "ريفريش"

بسم الله الرحمن الرحيم

السلام عليكم ورحمة الله وبركاته

الموضوع يختص بأمر "ريفريش"الذي كلنا يتعامل معه في اليوم الواحد اكثر من
مليون مره ولا احد يعلم ماذا يفعل هذا الامر او يعرف ولكن يعرف بطرقة
خاطئه.
لو سألت احد يقوم بعمل "ريفريش"للديسك توب او لاي مكان بالجهاز او لماذا
تدوس على زر F5 هاتكون الاجابه غربيه جداااااااااااااااا. يقولك اصله
بيفرفش الجهاز!!!! او بينعنش الجهاز؟؟؟!!!! او يقولك دا بيفوق الجهاز؟؟
وكمان بيخليه يحمل بسرعة. صح؟ ولا انا غلطان؟
طبعا اجابات غريبة جدا لا تستند الى اى سند علمي او هندسي او حتي منطقي.
اذن ماذا يفعل هذا الامر من الناحية العلميه والهندسية والفعليه, وحتى
نعرف الاجابه ونفهم جيدا يجب ان نعود الى الوراء قليلا...... نرجع حوالى
12سنه ... نرجع لايام وندوز 95 لو حد فاكره او اشتغل عليه اصلا.
ايام وندوز 95 مكانش فيه امر "ريفريش"
اللي احنا عارفينه اصلا. ودا كان بيعمل مشاكل معانا, ومن الامثله على
المشاكل دي انك لو مثلا قمت بنسخ ملف من او الى الديسك توب على سبيل
المثال ممكن بعد عملية النسخ ماتشوفش الملف يعني النسخ تم ومع ذلك الملف
او الفولدر مش ادامك. فيه ايه فين الملف, وكانت الطريقه الوحيده للتغلب
على المشكله دي عشان الملف يظهر انك تقفل الصفحه الليي انت فيها وتفتحها
تاني, لييييييييييه؟؟ لان اي صفحه بتتفتح بيتعمل لها عمليه Load يعني
تحميل واثناء عمليه الــ Load او التحميل بيظهر من تاني كل مكونات الصفحة
بما فيها الملف او الفولدر اللي تم نسخه وماظهرش وبالتالي بيظهر امامنا.
وهو ده كان الحل الوحيد للمشكله ايام وندوز95 . وكان في نوع تاني من
المشاكل انك مثلا تحط اسطوانه في الدرايف ومايظهرش اسمها او تخرجها وتلاقي
اسمها لسه موجود. طب نعمل ايه؟ كنا بنضطر برضه لقفل الصفحه وفتحها من تاني
عشان تعمل عملية الــ LOAD لمحتوياتها فبالتالي لو في اي تغيير في
المحتويات هايظهر.
وبعدين ظهر وندوز98 ومعاه نفس المشكله. لكن مايكروسوفت حلت المشكله مع
الاصدار الثاني من وندوز98 Windows 98 Second Edition انها زودت امر
"ريفريش" في القوائم عشان المستخدم اللي بيعاني من ان في ملفات او عمليات
بتتم ومابيظهرش تأثيرها نعمل لها "ريفريش" عشان تظهر وبمعني اوضح ان امر
"ريفريش" بيعمل عملية Reload اعادة تحميل يعني لمحتويات الصفحة.
وهو ده مربط الفرس, اظن اننا دلوقت قربنا نفهم وظيفة امر "ريفريش" الليي كلنا بيألف في تعرفها.
المشكله الاكبر ان امر "ريفريش" امر مش خفيف لان عملية اعادة تحميل
محتويات الصفحة مش عملية سهلة ومع ذلك تلاحظ ان معظم الناس والجهاز مهنج
او بطئ عشان بيعمل حاجه او بيفتح برنامج او بيقتح لعبه عمال يدوس "ريفريش"
طب ليه هو الجهاز ناقص تقل. وبعدين الامر ده موجه للمنطقه اللي انت بتعمل
ليها "ريفريش" يعني مش هايعمل حاجه مع البرنامج اللي مهنج الجهاز يعني
مثلا واحد بيفتح الوورد والبرنامج بيفتح بالعافية تلاقيه عمال يدوس
"ريفريش" على الديسك توب , طب مال الديسك توب ومال الـ "ريفريش" ومال
برنامج الوورد يا عم الحج.
وبعدين هو الجهاز ناقص تقل عشان تتقله اكتر بأمر اعادة تحميل محتويات الصفحة.

مشكله كبيرة جدا وقعنا فيها بسبب معدومي الخبرة من مدعي المعرفة بأمور الكمبيوتر والناس مظلومه مش فاهم

يا راجل دانتا حسستنى انى تعليم مجانى يا صاحبى
الله ينور ع الملعومه الصغيره الى بجد والله اول مره اعرفها المعرفه الصحيحه
مزيد من المجهود علشان نستفيد منك اكتر يا نجم يا كبير

هههههههههههههههههههههههههههههههههههههههه
دا بعض ماعندكم ياسيد مؤمن
ههههههههههههههههههههههههههههههههههههه
ونايس على مرورك

ميرسي يا احمد ع المعلومات دي
شوفت بقي يا مومن مين تعليم مجاني
هههههههههههههههه

معدومى الخبره ياحبيبى دا كله للريفرش طيب برضواهدوس عليه اهو
نايس توبيك ياعم الحج
احسن حاجه لما الجهاز يهنج ترستره وفكك من الحوارات
Very Happy

:D:D:

نايس ساندى ووائل
ههههههههههههههههههههههههههههههههه
اعمل ريستارت ياعم الحاج

نايس ياحمد
تسلم اديك ياكبير اوي ع المعلومه

شكرا يااحمد على المعلومه

ميرسى على المعلومة
فعلا ب5 داخ معايا من كتر الدوس

» ناصـية كادبة خاطئة ... معلومة رائعة